Терининг ҳолати, албатта, кундалик овқатланишга боғлиқ. Баъзида истеъмол қилинаётган маҳсулотлар туфайли турли хил тошмалар, доғлар пайдо бўлишидан аксарият аёллар бехабар. Шубҳасиз, улар бу каби муаммолар газли ичимликлар ёки фастфуд егуликлари сабабли юзага келади, деган изоҳни билдиради. Аммо бу денгиз маҳсулотлари истеъмолидан сўнг юзага келиши ҳам мумкин. Бундай нохуш воқеалардан халос бўлиш учун рационга нималар киритиш керак ва қайси ортиқча маҳсулотни чиқариш кераклигини билиб қўйган яхши.
Терига салбий таъсир қилади
Шакар
Терига кўпроқ зиён келтирувчи маҳсулот ҳақида 10 та мутахассисдан сўралса, улар бир овозда «шакар», деб жавоб қайтаради. Сабаби шакар коллагенни парчалайди ва бу майда яра (экзема)ларни келтириб чиқаради. Энг ачинарлиси шундаки, шакар ширин бўлмаган таомлар таркибида ҳам бўлади, масалан, чипс, соус ва салатлар. Тўғри, организм вақти-вақти билан ширинлик талаб этади. Лекин улар меваларга алмаштирилса, рацион учун ҳам, саломатлик учун ҳам фойдали. Уларнинг таркибида ҳам шакар бор, фақатгина кўп миқдорда антиоксидант билан тўлдирилган бўлади.
Сут
Охирги вақтларда соғлом турумуш тарзи тарафдорлари сут маҳсулотидан бироз шикоят қилмоқда. Албатта, юз тошмалари ва лактоза ўртасида боғлиқлик бор. Лекин салбий таъсирнинг сабаби нима экани номаълум. Агар сут истеъмолидан сўнг инсон ўзини ҳар томонлама яхши ҳис қилса, юқоридаги фикрларга эътибор бермаган маъқул. Борди-ю, сут туфайли жисмоний ноқулайликлар туғилган бўлса, демак, бу орқали терига ҳам салбий томонлари мавжуд. Шундай вақтларда сут маҳсулотини рациондан чиқариш лозим.
Денгиз моллюскалари
Агар тушликка денгиз моллюскаларини тановул қилишни ёқтирадиганлар бўлса, афсуски, буни тўхтатиш лозим. Агар тери мукаммал бўлишини чиндан ҳам истайдиганлар бўлса, мутахассислар уни рациондан чиқаришни буюради. Организмда ёд миқдорининг кўплиги гормонал бузилишни ҳосил қилади. Юзда тошмалар ва қизариш, яллиғланиш рўй беради. Албатта, ушбу маҳсулотдан бутунлай воз кечиш керак эмас, унинг истеъмолини камайтириш зарур, масалан, бир ойда икки мартагача рухсат берилади.
Терига ижобий таъсир қилади
F витамини
У дорихоналарда сотилмайди, ёғ кислоталари комплексида мавжуд. F витамини таркибида омега-6 га бой бўлган линолеик кислота мавжуд. Шунингдек, тошма муаммоси бор инсонларга линолеик кислота керак. Бу терининг ҳимоя тўсиғини яратишга ва тўқималарни яхшилашга ёрдам беради. Модда табиий ёғлар ва уруғларда мавжуд, аммо эҳтиёт бўлиш керак, омега-6 нинг ортиқчаси яллиғланишни келтириб чиқади.
С витамини
Ушбу витамин цитрус мевалар, киви, гуаве, ширин қалампирда мавжуд. Терини ҳимоя қиладиган коллагенни кучайтириш учун C витамини жуда зарур. Маҳсулот қанча янги бўлса, антиоксидантлар шунчалик кўп бўлади. C витаминини кўпайтириш учун грейпфрут, киви ва апелсинга мурожаат қилиш керак. Айтганча, уларнинг таркибида шакар миқдори кам.
Изоҳ (0)