Gepatit “B”, “S” va “D” kasalligini va boshqa turlarini tabobat yo‘li bilan davolash imkoniyati cheklangan. Bu haqda Sanitariya-epidemiologik osoyishtalik va jamoat salomatligi xizmati boshlig‘i o‘rinbosari Botir Qurbonov maʼlum qildi, deya xabar bermoqda “Daryo” muxbiri.
Botir Qurbonovning aytishicha, gepatit kasalligini faqatgina “A” turini tabobat yo‘li bilan ham davolash mumkin.
Sababi bu kasallik bizda yengil o‘tadigan, o‘zidan keyin asorat qoldirmaydigan turdir. Asosan bolalarda yaʼni 3-5 yoshda uyushgan kontingentga kirayotganda, yaʼni jamoa shakllanayotgan paytda kelib chiqadigan kasallik. Uni tabobat yo‘li bilan “Sariqlik” sindromini yo‘qotish bo‘yicha ko‘proq suv ichirish va boshqa bir qancha usullar bilan davolash mumkin, dedi mutaxassis.
Sanepidqo‘mita masʼulining alohida taʼkidlashicha, gepatit “B”, “S” va “D” kasalligini va boshqa turlarini tabobat yo‘li bilan davolash imkoniyati cheklangan.
Chunki bu kasallik qonda bo‘ladigan virusni qondan tozalash va jigarni zararlangan “uchastka”larni davolashdan iborat. Buning uchun albatta virusga qarshi dori vositalari bilan infeksionist shifokor yordamida davolanishi shartligi ko‘rsatib o‘tiladi, dedi Botir Qurbonov.
Izoh (0)