Andijon viloyatidagi maktablardan birida o‘quvchi o‘z o‘qituvchisiga musht tushirdi. Bu haqda “Bu kun” dasturida xabar berildi.
Maʼlum qilinishicha, bundan bir oy avval Andijon tumanidagi umumtaʼlim maktabida 10-sinfdagi dars vaqtida o‘quvchi va o‘qituvchi ishtirokida janjal sodir bo‘lgan. Tortishuv ishtirokchilari jarimaga tortilgan.
“Saqichni ber deganda, og‘zimda saqich yo‘q, xohlasang kelib ol degan. Kelib olganda xuddi urayotgandek bo‘lgan. Keyin o‘quvchi mushtlab urgan. Voqeadan keyin yarashtiruv bo‘lgan. Bu ish sudgayam chiqarilgan”, deydi maktab masʼuli.
Voqea ishtirokchisi bo‘lgan bola esa o‘qituvchi uni haqoratlaganini taʼkidlamoqda.
“Menga saqiching bormi, dedi. Yo‘q, desam topib olsam u qilaman, bu qilaman deb haqorat qilishni boshladi. Bo‘pti topib olavering, desam kelib menga tashlanyapti. Men o‘zimni himoya qildim. Menga ikki marta shapaloq urdi. O‘rnimdan tursam, yana 2 marta shapaloq uryapti. Oshnalarimning oldida, hammaning oldida urib tashlayapti”, deydi o‘quvchi bola.
O‘qituvchiga nisbatan hayfsan berilgan.
Maktabdagi janjallar
Avvalroq Sirdaryoda o‘qituvchi 1-sinf o‘quvchisini qo‘liga igna sanchish bilan jazolangani haqida xabarlar tarqalgandi. Surishtiruv davomida yuqoridagi holat tasdig‘ini topmagan.
Qashqadaryoning Shahrisabz tumanidagi maktabda o‘qituvchi 5-sinf o‘quvchisini urib jarohatladi. Qarshi shahridagi maktabda o‘qituvchi va o‘quvchi yoqalashgani tasvirlari tarqaldi. Algebra fani o‘qituvchisi va 10-sinf o‘quvchisi bo‘lgan ikki qiz o‘rtasida o‘zaro kelishmovchilik kelib chiqib, og‘zaki tortishib qolgan. Ularning xatti-harakatlariga chora ko‘rish uchun sudga berilgan.
Toshkentdagi maktabda ayol dastlabki ish kunida o‘quvchini kaltaklagani ham keng muhokamalarga sabab bo‘lgandi. Ayol jazolanib, maktab direktori ishdan olingandi.
Tanganing ikkinchi tomoni: o‘qituvchiga tazyiq o‘tkazish holatlari
2024-yilning oktyabrida Sirdaryo tumanidagi 2-maktabda ikki o‘quvchi qiz o‘qituvchini urgandi. O‘sha yilning aprelida Farg‘onada maktab o‘qituvchisi o‘quvchining qarindoshlari tomonidan kaltaklangandi. 2023-yilning mayida Farg‘ona viloyati Toshloq tumanidagi maktabning boshlang‘ich sinf o‘qituvchisi o‘quvchisining onasi tomonidan kaltaklangandi. Sentyabr oyida Surxondaryoda maktab direktori o‘qituvchining yaqin qarindoshlari tomonidan kaltaklangandi. Mazkur holatlar yuzasidan huquqbuzarlarga qilmishidan kelib chiqqan holda jazo choralari ko‘rilgan.
- Toshkentdagi maktabda bolani urgan o‘qituvchi ishdan bo‘shatilib, yana ishga tiklandi.
- Qashqadaryodagi maktabda bir-biriga bo‘yoq sepgan o‘quvchilarning ota-onasi jazolandi.
- Toshkentdagi maktabda o‘qituvchi bolalarga “Katyusha”ni yodlatgani uchun ishdan olindimi?
- Navoiyda maktab direktori o‘quvchilarni kaltakladi.
- Toshkent viloyatidagi maktabda darsga kech qolganlar o‘t yulishga majburlandi.
Izoh (0)