Ijtimoiy tarmoqlarda Narpayda maktab direktorining o‘rinbosari o‘quvchini kaltaklagani haqida videolar tarqaldi. Holat Bolalar ombudsmani tomonidan o‘rganildi.
Aniqlanishicha, ushbu holat 20-noyabr kuni Narpay tumani 6-sonli maktabda sodir bo‘lgan.
8-sinf o‘quvchisi A.X (2010-yilda tug‘ilgan o‘g‘il bola) dars vaqtida o‘quv qurollari qolib ketganligi va ularni olib kelish maqsadida o‘quv ishlari bo‘yicha direktor o‘rinbosari Sh.M (1991-yilda tug‘ilgan, ayol) dan ruxsat so‘ragan.
O‘qituvchi ruxsat bermaganligi sababli o‘zaro janjal yuzaga kelib, Sh.M. voyaga yetmagan A.X. ni urishib, uni yuz qismiga urgan va sinfdan chiqarib yuborgan.
Mazkur holat yuzasidan tuman IIB tomonidan A.X ga nisbatan tan-jarohati bo‘yicha sudga oid tibbiyot ekspertizasi tayinlangan.
O‘z kasbiy vazifasiga zid bunday harakati uchun o‘quv ishlari bo‘yicha direktor o‘rinbosari M.Sh ga MMTB tomonidan hayfsan intizomiy jazosi qo‘llanildi.
Shuningdek, Toshkentda joylashgan Sa’di Sirojiddinov nomidagi akademik litseyda o‘qituvchi o‘quvchining yuziga ayovsiz urgandi.
Izoh (0)