1992-yilda suratga olingan Uitni Hyuston va Kevin Kostner ishtirokidagi “Tansoqchi” filmi qayta suratga olinadi.
Loyihaga rejissyorlik qilishni Billi Aylish va BTS haqidagi hujjatli filmlari bilan tanilgan Sem Rench o‘z zimmasiga olgan, ssenariyni esa “Ikkinchi raqamli sud hayʼati” filmining muallifi Jonatan Abrams yozmoqda. Hozircha drama yozuvchisi va “Toni” mukofoti sovrindori Metyu Lopes jamoada qoladimi yoki yo‘qmi nomaʼlum.
Eslatib o‘tamiz, original filmda sahna yulduzi Reychel Marron va qo‘shiqchini taʼqibchilardan himoya qilish uchun yollangan sobiq maxsus xizmat agenti Frank Farmer haqida hikoya qilingan. Romantika, sarguzasht va, albatta mashhur saundtrek filmni tanqidchilarning sovuq kutib olinishiga qaramay, abadiy klassikaga aylantirdi. I Will Always Love You va I Have Nothing qo‘shiqlari hozir ham millionlab odamlarning qalbida jaranglaydi.
Shu o‘rinda qiziqarli fakt: ushbu mashhur filmning davomi 90-yillarda suratga olinishi rejalashtirilgan va unda marhum malika Diana rol o‘ynashi mumkin edi. Kevin Kostner hatto uni nazarda tutib ssenariy yozgan, ammo qirollik oilasi aʼzosining fojiali o‘limidan so‘ng loyiha to‘xtatilgan.
Izoh (0)