Xaylayter bu yuzga yangi ko‘rinish va nozik porlash bag‘ishlaydigan mo‘jizaviy vosita. Ammo uni ortiqcha ishlatish bilan holat butunlay o‘zgaradi — nafis yaltirash o‘rniga yuz yog‘li va haddan tashqari porloq ko‘rinib qoladi.
Quyida xaylayterni chiroyli va aniq surtishning 5 ishonchli usulini ko‘rib chiqamiz. Ular yordamida siz yonoqlar, ko‘zlar, lablar va burunni to‘g‘ri ajratib ko‘rsatishni o‘rganasiz.
Faqat yonoq suyagining yuqori qismiga surtish
Xaylayterni faqat yonoq suyagining eng yuqori nuqtasiga surting. Bu yuzni yorqin, ammo tabiiy ko‘rinishda ajratib turadi. Muhimi porlashni chakka yoki yonoqlarga cho‘zmaslik kerak.
Layfhak: keng chiziq chizish o‘rniga faqat kichik nuqta yoki vergul shaklida surtish yanada nafis va o‘ylangan effektni beradi. Xaylayterni go‘yoki yoqimli tabassum qilayotgan odamning yonoqlarida paydo bo‘ladigan porlash kabi mayin surtishga harakat qiling.
Ko‘pincha qizlar bu effekt uchun yirik yaltiroq zarrali xaylayter tanlaydi. Bu esa yuzni yog‘li niqobga o‘xshatadi. Agar siz tabiiy makiyajni istasangiz, satin (ipakdek) tugallanishga ega xaylayterdan foydalaning va uni ortiqcha surtmaslikka harakat qiling.
Qosh ostiga ozgina qo‘llang
Bu usulni vizajistlar yaxshi ko‘rishadi. Chunki u ko‘z qarashini “ochadi” va hatto hech qanday inyeksiyasiz “ko‘taradi”. Faqat bitta shart: xaylayterni faqat qoshning eng yuqori egilgan nuqtasiga ozgina surtish kerak. Uni butun qovog‘ingizga yoki peshonaga cho‘zmang — bu ortiqcha yorug‘lik va og‘irlik beradi.
Bu nima uchun ishlaydi? Yorqin nuqta ko‘zning yuqoriroq joylashgandek ko‘rinishiga olib keladi, bu esa qarashni ancha yosh va tetik qiladi. Muhimi yirik yaltiroq zarralarsiz, yumshoq satin effektli xaylayter tanlang, shunda natija tabiiy ko‘rinadi. Ya’ni 2000-yillardagi pardoz uslubiga o‘xshab qolmaydi.
Ko‘z burchaklari va burun chizig‘i
Ko‘z burchaklari va burun chizig‘iga yengil hajmdagi xaylayter surtilsa, qarash ochiqroq, yuz esa tabiiyroq yaltiraydi. Asosiy qoida — xaylayterni oz miqdorda va nozik chiziq bilan qo‘llash.
Krem yoki gel konsistensiyadagi zichroq xaylayterlarni tanlang. Ular nam, sog‘lom yaltirash effektini beradi. Bunday mahsulotlar oson surtiladi va bir tekis yoyiladi. Ko‘z burchaklaridagi yengil porlash qarashni ochadi, burun chizig‘idagi yaltirash esa uni yanada nozik va tekis ko‘rsatadi.
Lablar usti va iyak qismi
Niki Minaj kabi ko‘plab mashhur insonlar lablar usti va iyak sohasiga xaylayter surib, yuzining pastki qismini yengil yaltiratadi. Bu usul yuzning markaziy qismi haddan tashqari porlab ketishidan saqlab, yuzga yangi va muvozanatli ko‘rinish beradi.
Xaylayterni yuqori lab ustiga kichik “V” shaklida va iyakka ozgina surting. Yuz shakli chiroyli ko‘rinadi. Ayniqsa, bu usul peshona va burunga urg‘u bermasdan kontur yaratishga yordam beradi. Yengil yaltirash beruvchi, yarim shaffof xaylayterni tanlang. Uni ehtiyotkorlik bilan surting, ayniqsa iyak sohasida ortiqcha porlashdan saqlaning.
Krem yoki makiyaj bazasi bilan aralashtiring
Katta ekrandagi yulduz Keyt Hadson xaylayterni kundalik parvarish kremi bilan aralashtirib, uni yuzga bir tekisda suradi. Bu usul yuz bo‘ylab tabiiy, sog‘lom yaltirash yaratadi.
Agar siz butun yuzda yumshoq yaltirash istasangiz, xaylayterni sevimli yuz kremingiz yoki makiyaj bazangiz bilan aralashtiring. Bu sizga ichki porlash effektini beradi — go‘yoki teri o‘zidan nurlanayotgandek ko‘rinadi.
Izoh (0)