Mashhur video o‘yin Minecraftning ekranlashtirilishi kassa yig‘imi bo‘yicha milliardlik chegaraga tezkorlik bilan yaqinlashmoqda. Film katta ekranlarga chiqqanidan buyon ikki hafta davomida butun dunyo bo‘ylab 550,6 million dollar — AQSHda 281 million va xalqaro prokatda 269,6 million dollar ishlab topdi.
O‘tgan hafta esa “Minecraft kinoda” video o‘yinlarga asoslangan eng kassabop filmlar o‘ntaligiga kirdi, ko‘plab mashhur loyihalarni kassa yig‘imi bo‘yicha ortda qoldirdi va yilning eng yirik filmlari orasida o‘z o‘rnini mustahkamladi. Filmni 2025-yilning eng daromadli filmi deb hisoblasa ham bo‘ladi, chunki u hatto Disney va Marvelning “Kapitan Amerika: yangi dunyo”sini ham ortda qoldirdi, u to‘qqiz haftadayoq 410 million dollar to‘pladi.
“Minecraft kinoda” hozircha jahon kino prokatining asosiy hiti bo‘lib qolmoqda — boshqa yangi filmlar ko‘proq o‘rtacha natijalarni ko‘rsatmoqda. Masalan, Rami Malek ishtirokidagi “Yangi kelgan” jangari filmi 60 million dollarlik byudjet bilan 32,2 million dollar ishlab topishdan boshlagan bo‘lsa, “Tomchi” qo‘rqinchli filmi esa 11 million dollarlik ishlab chiqarish xarajatlari bilan 10 million dollar ishlab topishdan boshladi.
Izoh (0)