“Real Madrid” bosh murabbiyi Karlo Anchelotti yozda jamoani tark etishi mumkin. Bu haqda Defensa Central nashriga tayanib Championat xabar bermoqda.
Italiyalik mutaxassisning “qirollik klubi” bilan amaldagi shartnomasi 2026-yilning yozigacha mo‘ljallangan. Biroq manbaga ko‘ra, agar “Real” Chempionlar ligasi chorak finalida “Arsenal”dan mag‘lubiyatga uchrasa, tomonlar shartnomani muddatidan oldin bekor qilishi mumkin. Shunga qaramay, Klublar o‘rtasidagi Jahon chempionati paytida Anchelotti klubga ustozlik qilishi va faqat musobaqadan keyin Madridni tark etishi aytilmoqda.
Agar bunday holat yuz bersa, Anchelotti Braziliya terma jamoasi bilan shartnoma imzolashi kutilmoqda. “Real Madrid”ni esa katta ehtimol bilan Xabi Alonso boshqaradi.
Ma’lumot uchun, yaqinda Braziliya terma jamoasi bosh murabbiyi Dorial Junior iste’foga chiqqan edi. OAVda Anchelotti uning o‘rniga asosiy nomzodlardan biri sifatida tilga olinmoqda.
Izoh (0)