Madridning “Real” klubi markaziy himoyachisi Antonio Ryudiger bilan shartnomani uzaytirishni rejalashtirmoqda. Klub germaniyalik futbolchiga yaxshilangan shartlar asosida yangi bitim taklif qilmoqchi, deb xabar beradi jurnalist Ekrem Konur.
Ma’lumotlarga ko‘ra, 32 yoshli futbolchiga Saudiya Arabistoni Pro Ligasi klublari qiziqish bildirmoqda. “Real” esa futbolchini jamoada ushlab qolish uchun uning maoshini oshirishni ko‘zlamoqda. Ryudigerning hozirgi shartnomasi 2026-yilning yoziga qadar mo‘ljallangan.
Antonio Ryudiger 2022-yil yozida “Real Madrid” safiga qo‘shilgan. Joriy mavsumda futbolchi Karlo Anchelotti jamoasi tarkibida barcha musobaqalar doirasidagi 44 ta o‘yinda maydonga tushib, o‘z hisobiga 3 ta gol va 1 ta golli uzatma yozdirib qo‘ygan.
Izoh (0)