Futbol afsonasi Marko van Basten o‘zining eng buyuk futbolchilar ro‘yxatini e’lon qilar ekan, Lionel Messi va Krishtianu Ronalduni kuchli beshlikka kiritmadi.
Van Bastendan keyingi davrda Lionel Messi va Krishtianu Ronaldu futbol tarixidagi eng yaxshi hujumchilardan biriga aylandi. Biroq u intervyularning birida bu ikki yulduzni o‘zining barcha davrlarning eng yaxshi besh nafar futbolchisi ro‘yxatiga kiritmagan.
Uning fikricha, tarixdagi eng zo‘r beshlik — Pele, Diego Maradona, Yoxan Kroyf, Zidan va Mishel Platini.
Pele Braziliya bilan uch marta Jahon chempioni bo‘lib, futbol tarixiga o‘z nomini oltin harflar bilan yozdirgan. Maradona esa o‘zining texnikasi va maydondagi sehrli harakatlari bilan muxlislar yodida qolgan. Kroyf esa nafaqat o‘yinda, balki murabbiylikda ham futbolga katta taʼsir ko‘rsatgan, deydi u.
Van Basten Messi va Ronaldunining o‘yinlarini ham yuqori baholagan. Ammo, uning fikricha, Maradona jamoaga bosh bo‘la olish xususiyati bilan Messidan ustun.
Krishtianu Ronaldu ham zamonaviy futbolning afsonasi hisoblanadi. “Manchester Yunayted”, “Real Madrid” va “Yuventus” kabi klublarda faoliyat yuritgan hujumchi hozirda futbol tarixidagi eng ko‘p gol urgan futbolchi hisoblanadi. U 40 yoshida ham yuqori darajadagi o‘yin ko‘rsatmoqda hamda 2026-yilgi Jahon Chempionatida yana bir bor chempionlik uchun kurashishni istamamoqda.
Messi ham ajoyib futbolchi, lekin Maradona jamoada doim yetakchi bo‘la olgan. Messi esa katta “urush”lar payti yo‘qolib qoladi, degan Van Basten.
Shuningdek, u Zinedin Zidan, Mishel Platini kabi futbolchilarni ham eslatib o‘tdi:
Ularni ham unutmayman. Zidan hamda Platini kabi futbolchilar o‘z davrining eng zo‘r futbolchilaridan bo‘lgan.
Izoh (0)