“Реал Мадрид” бош мураббийи Карло Анчелотти ёзда жамоани тарк этиши мумкин. Бу ҳақда Defensa Central нашрига таяниб Championat хабар бермоқда.
Италиялик мутахассиснинг “қироллик клуби” билан амалдаги шартномаси 2026 йилнинг ёзигача мўлжалланган. Бироқ манбага кўра, агар “Реал” Чемпионлар лигаси чорак финалида “Арсенал”дан мағлубиятга учраса, томонлар шартномани муддатидан олдин бекор қилиши мумкин. Шунга қарамай, Клублар ўртасидаги Жаҳон чемпионати пайтида Анчелотти клубга устозлик қилиши ва фақат мусобақадан кейин Мадридни тарк этиши айтилмоқда.
Агар бундай ҳолат юз берса, Анчелотти Бразилия терма жамоаси билан шартнома имзолаши кутилмоқда. “Реал Мадрид”ни эса катта эҳтимол билан Хаби Алонсо бошқаради.
Маълумот учун, яқинда Бразилия терма жамоаси бош мураббийи Дориал Жуниор истеъфога чиққан эди. ОАВда Анчелотти унинг ўрнига асосий номзодлардан бири сифатида тилга олинмоқда.
Изоҳ (0)