Opta nashri superkompyuter orqali La Liganing joriy mavsumida qaysi jamoa chempion bo‘lishi haqida o‘z taxminlarni maʼlum qildi. Unga ko‘ra, “Barselona” g‘oliblikni qo‘lga kiritish uchun eng katta imkoniyatga ega jamoa bo‘lib turibdi. Kataloniyaliklarning chempion bo‘lish ehtimoli 85,2 foiz deb baholangan.
Ularning turnir jadvalidagi eng yaqin taʼqibchisi — Madridning “Real” klubi esa katta farq bilan ikkinchi o‘rinda turibdi. “Qirollik klubi”ning chempionlik ehtimoli 12,4 foizni tashkil etmoqda.
“Atletiko Madrid” hali ham chempionlik poygasida qolmoqda, biroq ularga faqat matematik imkoniyatgina qoldi — jamoaning g‘olib chiqish ehtimoli bor-yo‘g‘i 2,4 foizga teng.
Hozirda La Liga jadvalida “Barselona” 67 ochko bilan birinchi o‘rinda bormoqda. “Real” undan to‘rt ochkoga, “Atletiko” esa yetti ochkoga ortda qolmoqda. Chempionat yakuniga qadar yana 8 ta tur qolgan.
Izoh (0)