APL. “Manchester Siti” “Vulverhempton” bilan bahs olib boradi, “Manchester Yunayted” autsayder mehmoni bo‘ladi
“Manchester Siti” — “Vulverhempton”, 11-dekabr, 17:30
“Shaharliklar” 15-turdan so‘ng APL jadvalida birinchi o‘rinni egallab turibdi. Jamoa hisobida 35 ochko mavjud. O‘tgan haftada Xosep Gvardiola shogirdlari “Chelsi”ni ortda qoldirdi.
“Manchester Siti” Angliya chempionatida ketma-ket 5 o‘yindan buyon g‘alaba qozonayotgan bo‘lsa ham Pep shogirdlarining o‘yinidan norozi. Bir necha kun oldin jamoa Chempionlar Ligasida “Leypsig”ga 1:2 hisobida imkoniyatni boy berib qo‘ydi. Shunga qaramasdan ingliz jamoasi guruhda birinchi o‘rinni egallab, pley-offga yo‘l oldi.
“Manchester Siti” ushbu mavsumda uy uchrashuvlarining 11 tasidan 9 tasida g‘alaba qozongan.
“Vulverhempton” 21 ochko bilan 8-pog‘onadan joy olgan. So‘nggi turda jamoa “Liverpul”ga 0:1 hisobida mag‘lub bo‘ldi. Umuman olganda “Vulverhempton” mavsumni yaxshi o‘tkazmoqda. Startdagi omadsizliklardan so‘ng, oxirgi paytlarda doimiy ochko jamg‘arib kelmoqda.
Brunu Laje jamoasi mehmondagi oxirgi 6 uchrashuvning faqat bittasida mag‘lubiyatga uchradi.
Qolgan uchrashuvlar:
11-dekabr, shanba
“Arsenal” — “Sauthempton”, 20:00
“Chelsi” — “Lids”, 20:00
“Liverpul” — “Aston Villa”, 20:00
“Norvich Siti” — “Manchester Yunayted”, 22:30
12-dekabr, yakshanba
“Byornli” — “Vest Hem”, 19:00
“Lester” — “Nyukasl”, 19:00
“Kristal Pelas” — “Everton”, 21:30
La Liga. Madrid derbisi: “Atletiko M” “Real” mehmoni bo‘ladi, “Barselona” “Osasuna”ga qarshi
“Real” — “Atletiko”, 12-dekabr, yakshanba
“Qaymoqranglilar” mavsumni ko‘ngildagidek o‘tkazmoqda, guruhda birinchi o‘rinni egallab Chempionlar Ligasi pley-off bosqichiga chiqdi, chempionatda esa ikkinchi o‘rindagi jamoani 8 ochko ortda qoldirgan holda yetakchilik qilmoqda. Ispaniya chempionatining so‘nggi turida Karlo Anchelotti shogirdlari “Real Sosyedad”ni 2:0 hisobida mag‘lub etdi. “Real” safida Karim Benzema maydonga tushmasligi mumkin, fransuzning oxirgi paytlar ko‘rsatayotgan o‘yini hisobga olinsa, bu jamoa uchun katta yo‘qotish.
“Atletiko” qiyinchilik bilan Chempionlar Ligasi pley-off bosqichiga yo‘l oldi. 6-turda “Portu” ustidan 3:1 hisobida qozonilgan g‘alaba guruhda ikkinchi o‘rinni egallashga yordam berdi. Ispaniya chempionatida esa jamoa to‘rtinchi o‘rindan joy olgan va yetakchidan 10 ochko ortda. Lekin Diyego Simeone shogirdlarida zaxira o‘yini bor. “Matraschilar” joriy mavsumda stabil o‘yin namoyish etmayapti, buni oxirgi turda “Malyorka”ga 1:2 hisobida mag‘lubiyatga uchraganidan ham bilish mumkin.
Qolgan uchrashuvlar:
11-dekabr, shanba
“Espanyol” — “Levante”, 18:00
“Alaves” — “Xetafe”, 20:15
“Valensiya” — “Elche”, 22:30
“Atletik” — “Sevilya”, 01:00
12-dekabr, yakshanba
“Vilyarreal” — “Rayo Valyekano”, 18:00
“Osasuna” — “Barselona”, 20:15
“Betis” — “Real Sosyedad”, 22:30
13-dekabr, dushanba
“Kadis” — “Granada”, 01:00
A Seriya. “Milan” “Udineze” mehmoni bo‘ladi, “Inter” “Kalyari”ni sinovdan o‘tkazadi
“Udineze” — “Milan”, 11-dekabr, 00:45
“Udineze” 16 turdan so‘ng 16 ochko bilan 14-o‘rinda bormoqda. Ushbu haftada jamoada bosh murabbiy Luka Gottini iste’foga chiqarildi. Uning o‘rniga Gabriele Choffi vaqtinchalik murabbiy etib tayinlandi. “Udineze” dekabr oyini “Latsio” bilan 4:4 hisobidagi durang natija bilan boshladi. Oxirgi turda esa “Empoli”ga 1:3 hisobida mag‘lub bo‘ldi. Jamoa 8 ta uy uchrashuvining 2 tasida mag‘lubiyatga uchragan.
“Milan” 38 ochko bilan musobaqa yetakchisi bo‘lib turibdi. Oxirgi turda “Salernitana” ustidan qozonilgan g‘alaba “rossonerilar”ni birinchi o‘ringa olib chiqdi.
Chempionlar Ligasining 6-turida esa “Liverpul”ga 1:2 hisobida imkoniyatni boy berdi va yevrokuboklardan chiqib ketdi. Jamoa A Seriyaning mehmondagi 8 uchrashuvida 6 ta g‘alabani rasmiylashtirgan.
Qolgan uchrashuvlar:
11-dekabr, shanba
“Fiorentina” — “Salernitana”, 19:00
“Venetsiya” — “Yuventus”, 22:00
12-dekabr, yakshanba
“Torino” — “Bolonya”, 16:30
“Verona” — “Atalanta”, 19:00
“Napoli” — “Empoli”, 22:00
“Sassuolo” — “Latsio”, 22:00
“Inter” — “Kalyari”, 00:45
13-dekabr, dushanba
“Roma” — “Spetsiya”, 00:45
Bundesliga. “Bavariya” “Mayns”ni sinovdan o‘tkazadi, “Borussiya D” Boxumda mehmon bo‘ladi
“Bavariya” — “Mayns”, 11-dekabr, 19:30
“Bavariya” mavsumni yuqori notalarda o‘tkazmoqda. Yulian Nagelsmann shogirdlari Bundesliganing yaqqol yetakchisi hisoblanadi. Ikkinchi o‘rindagi “Borussiya D” 4 ochko ortda qolmoqda. Myunxenliklar Chempionlar Ligasi guruh bosqichida “Barselona”ni 3:0 hisobida mag‘lub etdi.
“Mayns” 15 turdan so‘ng 21 ochko bilan musobaqa jadvalining 7-pog‘onasidan joy olgan. Bo Svensson shogirdlari mavsumni yaxshi o‘tkazmoqda va yevrokuboklarga yo‘llanma beruvchi o‘rinlar uchun asosiy da’vogarlardan biri.
So‘nggi turda “Mayns” “Volfsburg”ni 3:0 hisobida mag‘lub etdi. Unga qadar uchta o‘yinda ketma-ket g‘alaba qozona olmayotgan edi.
Qolgan uchrashuvlar:
11-dekabr, shanba
“Boxum” — “Borussiya D”, 19:30
“Herta” — “Arminiya”, 19:30
“Frayburg” — “Hoffenhaym”, 19:30
“Leypsig” — “Borussiya M”, 19:30
“Volfsburg” — “Shtutgart”, 22:30
12-dekabr, yakshanba
“Groyter” — “Union Berlin”, 19:30
“Ayntraxt” — “Bayer”, 21:30
Liga 1. Turning markaziy uchrashuvida “PSJ” “Monako” bilan bahs olib boradi, “Lion” “Lill”ga qarshi
“PSJ” — “Monako”, 12-dekabr, 00:45
Parijliklar 42 ochko bilan Fransiya chempionatining yakka peshqadami bo‘lib turibdi. Undan keyingi o‘rindagi “Renn” hisobida 31 ochko mavjud. “PSJ” Chempionlar Ligasining guruh bosqichida ikkinchi o‘rinni olib, pley-off yo‘llanmasini qo‘lga kiritdi.
Dekabr oyida o‘tkazilgan chempionatning ikki o‘yinida Maurisio Pochettino shogirdlari durang natija qayd etdi (“Nitssa”ga qarshi 0:0, “Lans”ga qarshi 1:1).
“Monako” 26 ochko bilan 7-o‘rindan joy olgan. Niko Kovach shogirdlari Yevropa Ligasining B guruhidan birinchi o‘rin bilan pley-off bosqichiga chiqdi.
Monakoliklar dekabr oyida Fransiya chempionatida “Anjer” (3:1) va “Mets” (4:0) ustidan g‘alaba qozondi, Yevropa Ligasida “Shturm” bilan 1:1 hisobida durang natija qayd etdi.
Qolgan uchrashuvlar:
11-dekabr, shanba
“Brest” — “Monpelye”, 21:00
“Reyms” — “Sent-Etyen”, 01:00
12-dekabr, yakshanba
“Lill” — “Lion”, 17:00
“Anjer” — “Klermon”, 19:00
“Mets” — “Loryan”, 19:00
“Renn” — “Nitssa”, 19:00
“Trua” — “Bordo”, 19:00
“Strasbur” — “Marsel”, 21:00
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)