“Arsenal” futbolchisi Bukayo Saka Chempionlar Ligasining chorak final bosqichidagi “Real Madrid”ga qarshi o‘yin oldidan fikrlarini bildirib o‘tdi.
Saka “Arsenal” safida “Real”ga qarshi bahs faoliyatidagi eng muhim o‘yinlardan biri bo‘lishini taʼkidladi.
“Ishonchim komilki, ertaga muxlislar o‘z vazifalarini aʼlo darajada bajaradi va bu kechani ”Emireyts“ tarixidagi eng go‘zal kechalardan biriga aylantirishga hissa qo‘shadi. Bu uchrashuv biz uchun juda katta ahamiyatga ega, chunki klub ketma-ket ikkinchi marta Chempionlar Ligasining chorak finaliga chiqdi. Shuning uchun ertaga biz yana bir qadam oldinga tashlashga harakat qilamiz”, – deydi futbolchi.
Bukayo o‘z navbatida “Real” va jamoaning tarixi hamda erishgan yutuqlariga hurmat bilan qarash lozimligini taʼkidladi.
“Lekin bunga ortiqcha eʼtibor qaratmaslik lozim, chunki ertaga maydonda hamma narsa bo‘lishi mumkin. Hammamiz ko‘rganmiz, ”Real“ nimaga qodir ekanini, ularning o‘yinlarini va kambeklari. Umid qilamizki, bu narsa biz bilan sodir bo‘lmaydi, – dedi ”Arsenal" yarim himoyachisi.
Maʼlumot uchun, ushbu bahs 8-apreldan 9-aprelga o‘tar kechasi soat 00:00 da start oladi.
Izoh (0)