21-asrning eng zo‘r hujum triosi aniqlandi

Goal portali Yevropa klublari safida 21-asrning eng kuchli hujumchi triolari reytingini e’lon qildi. Ro‘yxatda birinchi o‘rinni “Barselona”ning sobiq hujumchilari — Lionel Messi, Luis Suares va Neymar egalladi. Bu haqida Championat nashri xabar bermoqda. 

Ushbu futbolchilar 2014–2017-yillar oralig‘ida bir jamoada o‘ynab, “Barselona”ga ko‘plab sovrinlar olib kelgan. Hozirda Messi va Suares MLSning “Inter Mayami” klubida birga to‘p surmoqda. Neymar esa “Santos”ga qaytgan. 2-o‘rinni “Real”ning sobiq a’zolari — Ronaldu, Benzema va Beyl uchligi egallagan bo‘lsa, “Barselona”ning Tyerri Anri, Samuel Eto’O va Lionel Messidan tashkil topgan triosi kuchli uchlikka yakun yasagan.

Eng kuchli 10 hujumchi triosi:

1. Lionel Messi, Luis Suares va Neymar – “Barselona”
2. Karim Benzema, Garet Beyl va Krishtianu Ronaldu – “Real Madrid”
3. Tyerri Anri, Samuel Eto’O va Lionel Messi – “Barselona”
4. Krishtianu Ronaldu, Karlos Tevez va Ueyn Runi – “Manchester Yunayted”
5. Muhammad Saloh, Roberto Firmino va Sadio Mane – “Liverpul”
6. Rober Pires, Dennis Bergkamp va Tyerri Anri – “Arsenal”
7. Kilian Mbappe, Edison Kavani va Neymar – “PSJ”
8. Pedro Rodriges, Eden Azar va Diego Kosta – “Chelsi”
9. Mario Gyotse, Robert Levandovski va Marko Roys – “Borussiya Dortmund”
10. Halk, Radamel Falkao va Silveshtr Varela – “Portu”