Kanadaning sharqiy qismida yuz bergan muzli siklon Ontarioda 350 mingdan ortiq kishini elektrsiz qoldirdi. Bu haqda Reuters xabar bermoqda.
Hydro One ma’lumotlariga ko‘ra, muzli yomg‘ir daraxtlarning muzlashiga olib kelgan, natijada shoxlar elektr uzatish liniyalariga tusha boshlagan. Orilliya shahrida hokimiyat favqulodda holat rejimini e’lon qildi. Siklon ommaviy elektr uzilishlari, tarmoqlar uzilib qolishi va binolarga zarar yetkazishga sabab bo‘lgan.
Ontario va Kvebekning bir qancha hududlarida bo‘ron haqida ogohlantirishlar e’lon qilindi. Ayrim hududlarda muzli yomg‘ir yog‘ib, qorga aylanishi davom etmoqda, bu esa yo‘llardagi vaziyatni yanada murakkablashtirmoqda. “Alectra” energiya kompaniyasi ma’lumotlariga ko‘ra, Barri shahrida 35 mingga yaqin kishi elektrsiz qolmoqda.
Simlardagi muzlash tufayli tiklash ishlari sekin bormoqda. Mahalliy aholi ijtimoiy tarmoqlarda ko‘chalar ag‘darilgan daraxtlar bilan to‘lib ketganini, bo‘ron boshlanganidan buyon esa uzluksiz ravishda shox-shabbalar va daraxtlarning sinayotgan ovozini eshitayotganini yozmoqda.
Ta’kidlanishicha, elektr ta’minotini tiklash 1-aprelgacha cho‘zilishi mumkin.
Izoh (0)