Канаданинг шарқий қисмида юз берган музли циклон Онтариода 350 мингдан ортиқ кишини электрсиз қолдирди. Бу ҳақда Reuters хабар бермоқда.
Hydro One маълумотларига кўра, музли ёмғир дарахтларнинг музлашига олиб келган, натижада шохлар электр узатиш линияларига туша бошлаган. Ориллия шаҳрида ҳокимият фавқулодда ҳолат режимини эълон қилди. Циклон оммавий электр узилишлари, тармоқлар узилиб қолиши ва биноларга зарар етказишга сабаб бўлган.
Онтарио ва Квебекнинг бир қанча ҳудудларида бўрон ҳақида огоҳлантиришлар эълон қилинди. Айрим ҳудудларда музли ёмғир ёғиб, қорга айланиши давом этмоқда, бу эса йўллардаги вазиятни янада мураккаблаштирмоқда. “Alectra” энергия компанияси маълумотларига кўра, Барри шаҳрида 35 мингга яқин киши электрсиз қолмоқда.
Симлардаги музлаш туфайли тиклаш ишлари секин бормоқда. Маҳаллий аҳоли ижтимоий тармоқларда кўчалар ағдарилган дарахтлар билан тўлиб кетганини, бўрон бошланганидан буён эса узлуксиз равишда шох-шаббалар ва дарахтларнинг синаётган овозини эшитаётганини ёзмоқда.
Таъкидланишича, электр таъминотини тиклаш 1-апрелгача чўзилиши мумкин.
Изоҳ (0)