Xitoy hukumati armiya haqidagi ma’lumotlarni noqonuniy ravishda tarqatayotgan bir nechta internet resurslarini aniqladi. Bu haqda XXR kibermakon masalalari bo‘yicha boshqarmasi xabar berdi.

Nazorat organi tarqatgan bayonotda ta’kidlanishicha, Xitoy ijtimoiy tarmoqlaridagi ayrim sahifalar “jamoatchilikni chalg‘itgan, qurolli kuchlar obro‘siga putur yetkazgan va jamiyatga salbiy ta’sir ko‘rsatgan”. Boshqarma “qonunga muvofiq choralar ko‘rib”, zararli ma’lumotlarni yo‘q qilgan va ular joylashtirilgan akkauntlarni yopgan.
“Janubiy gvardiya”, “Birlashgan shtab tahlil markazi xizmati” yoki “Birlashgan logistik qo‘llab-quvvatlash” kabi nomlar ostidagi ayrim internet-resurslar o‘zlarini rasmiy manbalar sifatida ko‘rsatib, obunachi va foyda olish maqsadida ommabop mavzulardan foydalanib, harbiy kontent tarqatgan. Boshqalari esa soxta ma’lumotlar va mish-mishlar tarqatish bilan shug‘ullangan”, deyiladi bayonotda.
Bundan tashqari, nazorat organi tarixni buzib ko‘rsatuvchi, harbiy xizmatchilarga tuhmat qiluvchi va armiyani obro‘sizlantiruvchi materiallarni joylashtirgan akkauntlarni ham aniqladi. Shuningdek, idora mudofaa obyektlari haqidagi ma’lumotlarni noqonuniy oshkor qilgan manbalarni ham fosh etdi.
Fevral oyida Xitoy o‘z Qurolli kuchlari haqidagi ma’lumotlarni internetda e’lon qilishni cheklovchi yangi qoidalarni joriy etgandi.
Izoh (0)