AQSH prezidenti Donald Tramp tomonidan Kanada mahsulotlariga joriy etilgan bojxona to‘lovlari metallurgiya korxonalarida ishlaydigan 100 ming kanadalikka jiddiy ta’sir ko‘rsatishi mumkin. Bu haqda Shimoliy Amerika po‘latchilar kasaba uyushmasining (United Steelworkers) Kanadadagi bo‘limi direktori Marti Uorren Reuters agentligiga ma’lum qilgan.
Uorrenning so‘zlariga ko‘ra, bojxona to‘lovlari allaqachon sohada ikki yuzta xodimning ishdan bo‘shatilishiga olib kelgan.
“Ishini yo‘qotgan yoki qisqartirish ostiga tushgan har bir shaxs uchun - bu jiddiy zarba. 2-aprelda to‘liq miqyosli bojxona to‘lovlari joriy etilishi yana 100 mingta a’zomizga ta’sir ko‘rsatish ehtimoli bor”, deydi Uorren.
Kasaba uyushmasiga jami 225 mingdan ortiq kanadalik a’zo. Kanada Amerika bozoriga po‘lat yetkazib beruvchi eng yirik davlat hisoblanadi.
Mart oyida AQSH Meksika va Kanadadan import qilinadigan mahsulotlarga 25 foizlik bojxona to‘lovlarini, shuningdek, Xitoy mahsulotlariga yangi bojxona to‘lovlarini joriy qildi va ularning stavkasini 20 foizgacha oshirdi. Amerika rasmiy shaxslari bu choralarni noqonuniy migratsiya va giyohvand moddalar savdosiga qarshi kurash bilan izohladi
Izoh (0)