Ijtimoiy tarmoqlarda MIB xodimlari va fuqarolar o‘rtasida janjal aks etgan videolar tarqaldi. Holat yuzasidan berilgan izoh “Hudud” informatsion dasturida maʼlum qilindi.
Qayd etilishicha, voyaga yetmagan 2 nafar farzandi uchun ogohlantirishlarga qaramay, joriy yilning 1-avgust kuniga qadar 10 million 737 ming so‘m aliment pulini to‘lamagan ota Uchtepa tuman sudi qarori bilan 15 sutkaga qamalgan.
Fuqaroning qarindoshlari esa joriy yilning 15-avgust kuni byuroning Uchtepa tuman binosiga kelib, qarzdor otaning nohaq qamalgani hamda uning ayoli farzandlarining tarbiyasiga eʼtiborsiz ekanini bildirib, xodimlar bilan qo‘pol munosabatda bo‘lgan va janjal chiqargan.
Hozirda holat bo‘yicha to‘plangan hujjatlar o‘rganilmoqda.
Avvalroq Qoraqalpog‘iston Respublikasi Nukus shahrida ota farzandining 18 yoshiga qadar to‘lashi kerak bo‘lgan, 2,2 milliard so‘m alimentini oldindan qoplab bergani to‘g‘risida xabar qilingandi.
Izoh (0)