Angliyaning “Plimut Argayl” klubi sobiq bosh murabbiyi, “Manchester Yunayted” afsonasi Ueyn Runi “Nyukasl” hujumchisi Aleksander Isakning “Liverpul”ga transferi va yangi mavsum Premyer Ligada qaysi jamoa chempion bo‘lishi mumkinligi haqida fikr bildirdi.
Uning fikricha, Arne Slot boshchiligidagi “Liverpul” APL chempionligi uchun asosiy da’vogar bo‘lib turibdi:
Men “Liverpul”ni bu mavsumda chempionlik uchun asosiy nomzod deb hisoblayman. Agar Isak ham qo‘shilsa, ularni to‘xtatish imkonsiz bo‘ladi. Chunki yaxshi futbolchilar har qanday jamoaga tezda moslashadi. Isak esa o‘zini yuqori darajadagi hujumchi ekanligini isbotlagan, dedi Runi BBC nashriga bergan intervyusida.
Runining fikricha, Isak ketadigan bo‘lsa, bu “Nyukasl” uchun orqaga tashlangan qadam bo‘ladi. Klub uni qo‘ldan chiqarmaslik uchun qo‘lidan kelganini qilmoqda. Shunga qaramay, agar transfer amalga oshsa, bu mablag‘ yangi futbolchilarni jalb qilish va tarkibni kuchaytirishga sarflanishi mumkin.
- Angliya Premyer Ligasi 15-avgust kuni start oldi. Turning ilk qarama-qarshiligida “Liverpul” “Bornmut”ni 4:2 hisobida mag‘lubiyatga uchratdi.
- Mersisaydliklar hujum chizig‘ini kuchaytirish uchun Aleksandr Isak transferini amalga oshirishga harakat qilmoqda. Ular futbolchi uchun bir qancha taklif jo‘natdi, biroq “Nyukasl” ularga rad javobini bermoqda.
Izoh (0)