AQSH prezidenti Donald Tramp 6-mart kuni 2020-yilgi savdo kelishuvi doirasida Meksika va Kanada tovarlariga nisbatan 25 foizlik bojlarni to‘xtatib qo‘yishini aytdi. Tariflar sabab odamlar tirikchiligi xavf ostida qolgani aytilmoqda. Bu haqda CBS News xabar berdi.
Tramp buni Meksika prezidenti Klaudiya Sheynbaum bilan suhbatdan so‘ng ijtimoiy tarmoqdagi postida e’lon qilgan. Imtiyozlar uchala davlatning kelishuvida qayd etilgan mahsulotlar importiga nisbatan qo‘llanadi. Shartnoma aks etmagan tovarlarga esa 25 foizlik tariflar amal qiladi.
Meksika prezidenti Klaudiya Sheynbaum bilan suhbatlashganimdan so‘ng, USMCA kelishuviga (uchta davlat o‘rtasida tuzilgan) kiradigan mahsulot uchun Meksika boj to‘lashga majbur bo‘lmasligiga kelishib oldik. Munosabatlarimiz juda yaxshi va biz chegarada noqonuniy chet elliklarning Qo‘shma Shtatlarga kirishini hadma fentanil oqimini to‘xtatish bo‘yicha ham birgalikda qattiq ishlayapmiz. Prezident Sheynbaumga hamkorligi uchun minnatdorlik bildiraman!, dedi Tramp.
USMCA kelishuvi Meksikadan AQSHga importning katta qismini qamrab oladi
AQSH 2023-yilda Meksikadan 45 milliard dollardan ortiq qishloq xo‘jaligi mahsulotlarini import qildi. AQSH Qishloq xo‘jaligi vazirligi ma’lumotlariga ko‘ra, importning deyarli to‘rtdan uch qismi sabzavotlar, mevalar, pivo, tekila va spirtli ichimliklarga to‘g‘ri keladi.
USMCAga kiritilmagan Kanada energetikasiga10 foizlik tarif belgilanishi kutilmoqda. Bu esa AQSH fermerlari Kanadadan import qiladigan gaz narxlari hamda elektr energiyasi xarajatlarini oshirishi mumkin.
Oq uy rasmiysiga ko‘ra, 2024-yilda Kanadadan barcha importning 38 foizi USMCA tomonidan qoplangan va shuning uchun bojlardan ozod qilingan. Meksikada esa bu ko‘rsatkich 49,6 foizni tashkil qiladi.
Bugungi qaror AQSH bojlari keltirib chiqaradigan ba’zi iqtisodiy zararlarni yumshatgan bo‘lsa-da, bu bayram qilish vaqti emas. Iqtisodiyot o‘yinchoq emas. Doimiy tahdidlar va iqtisodiy noaniqlik o‘z ta’sirini ko‘rsatdi.
Biz buni kechiktirilgan biznes investitsiyalari, iste’molchilar ishonchining pasayishi, to‘xtab qolgan kapital oqimlari va o‘zgaruvchan fond bozorida ko‘ryapmiz. Odamlarning tirikchiligi xavf ostida. Ikkala iqtisodiyot uchun ham zarur bo‘lgan yagona narsa — istisnosiz barcha tariflar stoldan olib tashlanishi, dedi Kanada Savdo palatasining davlat siyosati bo‘yicha rahbari Metyu Xolms.
Izoh (0)