Bu mashhurlarning muxlislari ular bilan haqiqatan ham faxrlanishlari mumkin. Faoliyati va hayoti o‘rnak bo‘lishga loyiq bo‘lgan muvaffaqiyatli yulduzlar haqida ma’lumot beramiz.
Teylor Svift
Dunyoning eng muvaffaqiyatli yulduzlari ro‘yxatini Teylor Sviftsiz tasavvur qilib bo‘lmaydi. Ayniqsa, uning 2023-yil martidan 2024-yil dekabrigacha davom etgan The Eras Tour nomli oltinchi konsert safari katta shov-shuvga sabab bo‘ldi. Ushbu tur tufayli Svift yangi rekordlarni, shu jumladan, moliyaviy rekordlarni o‘rnatdi, chiptalar sotuvidan ulkan daromad bilan hammani lol qoldirdi — konsertlar davomida u 2 milliard dollardan ortiq mablag‘ ishlab topdi. Natijada The Eras Tour musiqa tarixidagi eng daromadli turga aylandi.
O‘tgan yilning oktyabr oyida Forbes nashri Teylorni dunyodagi eng boy ayol musiqachi deb e’tirof etdi. Eslatib o‘tamiz, 2022-yilda ham yulduz o‘z yutuqlari bilan ajralib turdi. O‘sha paytda uning yangi “Midnights” albomi chiqarilgandan so‘ng bir kunda eng ko‘p tinglangan albomga aylandi va Billboard uch marta Sviftni o‘n yillikning eng yaxshi ayoli deb e’lon qildi. Hot 100 jadvalining birinchi o‘ntaligi faqat uning qo‘shiqlaridan iborat edi.
Krishtianu Ronaldu
Krishtianu Ronaldu ijtimoiy tarmoqlarda eng mashhur shaxs. Bugungi kunda sportchining 651 million obunachisi bor. Shuningdek, 2024-yil sentyabrida Ronaldoning asosiy internet platformalaridagi profillarining umumiy kuzatuvchilari soni 1 milliardga yetgani xabar qilindi.
Krishtianu, shubhasiz, futbolda iste’dodli va bu sport turida u ko‘plab rekordlarni o‘rnatgan. O‘tgan yilgi ma’lumotlarga ko‘ra, u eng yaxshi to‘purar, ya’ni jamoaning eng samarali o‘yinchisi hisoblanadi. Ronaldu milliy terma jamoa uchun eng ko‘p o‘yin o‘tkazgan futbolchi; Chempionlar ligasida 100 ta gol urgan birinchi o‘yinchi; Chempionlar ligasida eng ko‘p penalti gollari urgan rekordchi; Angliya, Ispaniya va Italiya chempionatlarida g‘olib bo‘lgan birinchi futbolchidir.
Daromad jihatidan ham Krishtianu hamkasblaridan ustun turadi. U dunyodagi eng boy va shunga mos ravishda eng yuqori maosh oluvchi futbolchi deb e’tirof etilgan.
Selena Gomes
Bir necha yil oldin Selena Gomes 400 million obunachiga ega edi. Hozirda ularning soni 421 millionga yetdi va bu raqam hamon jahon shou-biznesining boshqa vakillari obunachilari sonidan kam emas.
Ammo Gomesning o‘zi uchun bu qiziq emas. Ilgari u tez-tez akkauntini o‘chirib, bir muddat yo‘qolib qolardi, chunki u o‘zini tanqid va tazyiqdan himoya qilishni istardi. Hatto shunday muvaffaqiyat, shuhrat va muxlislar muhabbatiga qaramay, Selena baribir heyterlar hujumiga duchor bo‘ladi.
Eminem
Rep sanoati hali-hanuz o‘z dolzarbligini yo‘qotmagan, bugungi kunda reperlar soni ham juda ko‘payib ketgan. Biroq bir necha o‘n yillardan beri Eminem bu janrning timsoli bo‘lib kelmoqda. U o‘z ijodiy yo‘nalishida eng muvaffaqiyatli ijodkor sanaladi. Uning yutuqlari orasida rep tarixidagi eng ko‘p sotilgan “The Marshall Mathers LP” albomini chiqargan.
Bu albom 2000-yilda chiqarilgan va birinchi haftadayoq 1,7 million nusxada sotilgan. Bundan tashqari, Eminem rep o‘qish tezligi bo‘yicha ham rekord o‘rnatgan. Masalan, “Rap God” qo‘shig‘ida 16 soniyalik qismda san’atkor 157 ta so‘z talaffuz qiladi.
Rianna
San’atkor uzoq vaqt ijodiy tanaffus olib, sakkiz-to‘qqiz yil davomida musiqa chiqarmasa va sahnadan yo‘qolsa, uning karyerasi qanday bo‘ladi? Ehtimol, uni hamma unutib yuborardi. Ammo bu Riannaga taalluqli emas. Xonanda shunchalik obro‘ va muxlislar mehrini qozona oldiki, uning nomi hamon ommaviy axborot vositalarining birinchi sahifalarida paydo bo‘lmoqda. Vaholanki, yulduzning so‘nggi musiqiy albomi 2016-yilda chiqqan edi. O‘shandan beri Riri katta konsertlar bermadi. Bu davr mobaynida u faqat bitta qo‘shiq – “Qora pantera: Vakanda abadiy” filmi uchun “Lift Me Up”ni yozdi, xolos.
Hayratlanarlisi shundaki, bunday vaziyatda ham muvaffaqiyatli yulduz tinglovchilar e’tiborida qolishga va hatto musiqiy rekordlarni yangilashga erishmoqda. Masalan, 2023-yilda Rianna Spotify’da o‘nta qo‘shig‘i milliard marta tinglangan dunyodagi birinchi ijrochiga aylandi.
Kayli Jenner
Kayli o‘zining tadbirkorlik qobiliyatlari bilan shuhrat qozondi. U atigi 18 yoshida o‘zining Kylie Lip Kits kosmetika brendini tashkil etdi, keyinchalik u Kylie Cosmetics deb qayta nomlandi. Bu brend tez orada mashhurlik va talab bo‘yicha opasi Kim Kardashyanning KKW Beauty brendidan o‘zib ketdi.
2018-yilda 21 yoshli Kayli opa-singillari orasida eng boy ayol sifatida Forbes ro‘yxatiga kirdi. O‘sha paytda uning boyligi 900 million dollar deb baholangan edi. Shu yili u Forbes versiyasi bo‘yicha 30 yoshgacha bo‘lgan eng ko‘p daromad qiluvchi mashhurlar ro‘yxatida birinchi o‘rinni egalladi.
Izoh (0)