Mashhurlar o‘zlarini mayda-chuyda narsalar bilan siylashni yaxshi ko‘rishadi, ammo ular oddiy odamlar uchun katta orzu bo‘lishi ham mumkin.
Devid va Viktoriya Bekhem — orzudagi uy
Mayami — Yer yuzidagi jannat. Ehtimol, shuning uchun ham Bekhemlar oilasi bu yerda yangi uy sotib olgan bo‘lsa kerak. Bundan tashqari, Devid mahalliy futbol jamoasi egasidir.
Bir nechta yotoqxona va vannaxonalar, shaxsiy kinoteatr, basseyn va spa — er-xotin bularning barchasini naqd pulga xarid qilishdi. Yangi uy Devid va Viktoriyaga 70 million dollarga tushdi.
Ular yangi uylarini juda yaxshi ko‘rishadi va u yerda iloji boricha ko‘proq vaqt o‘tkazishni xohlashadi. Bu ularning orzusidagi uy, deydi insayder.
Benni Blanko — sevgilisi uchun kulon
Bu musiqachi Selena Gomesga shunchaki taqinchoq bermagan. “Radar” nashrining ta’kidlashicha, uning narxi 600 000 dollarni tashkil qiladi.
Mazkur kulon nafaqat qimmat, balki o‘ziga xos darajada romantik ham. Gap shundaki, brilliant kulon inglizcha “b” harfi shaklida yasalgan. Bu shuni anglatadiki, Gomes qayerga bormasin, sevgilisining bir parchasi doimo uning yonida bo‘ladi.
Jeyson Momoa — 95 yoshli elektrokar
Aktyor noyob transportlarga bo‘lgan muhabbati bilan tanilgan. Bu yil uning avtoparkiga 1929-yilda ishlab chiqarilgan Rolls-Royce Phantom II avtomobili kirib keldi. Biroq uning o‘ziga xos tomoni bor. Avtomobilning asl nusxadan farqi shundaki, u yonilg‘ida emas, balki elektrda ishlaydi. Qayta ishlash bilan Electrogenic shug‘ullangan. Biroq Jeyson Momoaning bu ishi qanchaga tushgani ma’lum emas. OAV gap yuz minglab dollar haqida ketayotganini taxmin qilmoqda.
Jonni Depp — Gretsiyadagi orol
Aftidan, “Karib dengizi qaroqchilari” filmi aktyorni shaxsiy orol sotib olishga ilhomlantirgan. Jonni Depp sotib olgan yer Gretsiyaga yaqin joyda. Maydoni bor-yo‘g‘i 0,2 kilometr kvadrat — bu aktyorga 4 million yevroga tushdi.
Chenning Tatum — futbolkalarning bir yillik zaxirasi
Chenning Tatum esa orol sotib olishga shoshilmayapti. Aktyor hali yetarlicha boylik orttirmagan yoki kichik-kichik xursandchiliklar unga ko‘proq zavq bag‘ishlaydi.
Men kir yuvishni qanchalik yomon ko‘rishimni tasavvur ham qilolmaysiz. Shuning uchun bir yili umuman kir yuvmadim, sotib olgan oq futbolkalar zaxirasidan kiyib yurdim. O‘sha paytlarni “yangi oq futbolkalar yili” deb atadim.
Izoh (0)