Бу машҳурларнинг мухлислари улар билан ҳақиқатан ҳам фахрланишлари мумкин. Фаолияти ва ҳаёти ўрнак бўлишга лойиқ бўлган муваффақиятли юлдузлар ҳақида маълумот берамиз.
Тейлор Свифт
Дунёнинг энг муваффақиятли юлдузлари рўйхатини Тейлор Свифтсиз тасаввур қилиб бўлмайди. Айниқса, унинг 2023 йил мартидан 2024 йил декабригача давом этган Тhe Eras Tour номли олтинчи концерт сафари катта шов-шувга сабаб бўлди. Ушбу тур туфайли Свифт янги рекордларни, шу жумладан, молиявий рекордларни ўрнатди, чипталар сотувидан улкан даромад билан ҳаммани лол қолдирди — концертлар давомида у 2 миллиард доллардан ортиқ маблағ ишлаб топди. Натижада Тhе Eras Tour мусиқа тарихидаги энг даромадли турга айланди.
Ўтган йилнинг октябрь ойида Forbes нашри Тейлорни дунёдаги энг бой аёл мусиқачи деб эътироф этди. Эслатиб ўтамиз, 2022 йилда ҳам юлдуз ўз ютуқлари билан ажралиб турди. Ўша пайтда унинг янги “Midnights” альбоми чиқарилгандан сўнг бир кунда энг кўп тингланган альбомга айланди ва Billboard уч марта Свифтни ўн йилликнинг энг яхши аёли деб эълон қилди. Ҳот 100 жадвалининг биринчи ўнталиги фақат унинг қўшиқларидан иборат эди.
Криштиану Роналду
Криштиану Роналду ижтимоий тармоқларда энг машҳур шахс. Бугунги кунда спортчининг 651 миллион обуначиси бор. Шунингдек, 2024 йил сентябрида Роналдонинг асосий интернет платформаларидаги профилларининг умумий кузатувчилари сони 1 миллиардга етгани хабар қилинди.
Криштиану, шубҳасиз, футболда истеъдодли ва бу спорт турида у кўплаб рекордларни ўрнатган. Ўтган йилги маълумотларга кўра, у энг яхши тўпурар, яъни жамоанинг энг самарали ўйинчиси ҳисобланади. Роналду миллий терма жамоа учун энг кўп ўйин ўтказган футболчи; Чемпионлар лигасида 100 та гол урган биринчи ўйинчи; Чемпионлар лигасида энг кўп пенальти голлари урган рекордчи; Англия, Испания ва Италия чемпионатларида ғолиб бўлган биринчи футболчидир.
Даромад жиҳатидан ҳам Криштиану ҳамкасбларидан устун туради. У дунёдаги энг бой ва шунга мос равишда энг юқори маош олувчи футболчи деб эътироф этилган.
Селена Гомес
Бир неча йил олдин Селена Гомес 400 миллион обуначига эга эди. Ҳозирда уларнинг сони 421 миллионга етди ва бу рақам ҳамон жаҳон шоу-бизнесининг бошқа вакиллари обуначилари сонидан кам эмас.
Аммо Гомеснинг ўзи учун бу қизиқ эмас. Илгари у тез-тез аккаунтини ўчириб, бир муддат йўқолиб қоларди, чунки у ўзини танқид ва тазйиқдан ҳимоя қилишни истарди. Ҳатто шундай муваффақият, шуҳрат ва мухлислар муҳаббатига қарамай, Селена барибир ҳейтерлар ҳужумига дучор бўлади.
Эминем
Реп саноати ҳали-ҳануз ўз долзарблигини йўқотмаган, бугунги кунда рэперлар сони ҳам жуда кўпайиб кетган. Бироқ бир неча ўн йиллардан бери Эминем бу жанрнинг тимсоли бўлиб келмоқда. У ўз ижодий йўналишида энг муваффақиятли ижодкор саналади. Унинг ютуқлари орасида реп тарихидаги энг кўп сотилган “Тhe Marshall Mathers LP” альбомини чиқарган.
Бу альбом 2000 йилда чиқарилган ва биринчи ҳафтадаёқ 1,7 миллион нусхада сотилган. Бундан ташқари, Эминем реп ўқиш тезлиги бўйича ҳам рекорд ўрнатган. Масалан, “Rap God” қўшиғида 16 сониялик қисмда санъаткор 157 та сўз талаффуз қилади.
Рианна
Санъаткор узоқ вақт ижодий танаффус олиб, саккиз-тўққиз йил давомида мусиқа чиқармаса ва саҳнадан йўқолса, унинг карьераси қандай бўлади? Эҳтимол, уни ҳамма унутиб юборарди. Аммо бу Рианнага тааллуқли эмас. Хонанда шунчалик обрў ва мухлислар меҳрини қозона олдики, унинг номи ҳамон оммавий ахборот воситаларининг биринчи саҳифаларида пайдо бўлмоқда. Ваҳоланки, юлдузнинг сўнгги мусиқий альбоми 2016 йилда чиққан эди. Ўшандан бери Рири катта концертлар бермади. Бу давр мобайнида у фақат битта қўшиқ – “Қора пантера: Ваканда абадий” фильми учун “Lift Me Up”ни ёзди, холос.
Ҳайратланарлиси шундаки, бундай вазиятда ҳам муваффақиятли юлдуз тингловчилар эътиборида қолишга ва ҳатто мусиқий рекордларни янгилашга эришмоқда. Масалан, 2023 йилда Рианна Spotify’да ўнта қўшиғи миллиард марта тингланган дунёдаги биринчи ижрочига айланди.
Кайли Женнер
Кайли ўзининг тадбиркорлик қобилиятлари билан шуҳрат қозонди. У атиги 18 ёшида ўзининг Kylie Lip Kits косметика брендини ташкил этди, кейинчалик у Kylie Cosmetics деб қайта номланди. Бу бренд тез орада машҳурлик ва талаб бўйича опаси Ким Кардашьяннинг KKW Beauty брендидан ўзиб кетди.
2018 йилда 21 ёшли Кайли опа-сингиллари орасида энг бой аёл сифатида Forbes рўйхатига кирди. Ўша пайтда унинг бойлиги 900 миллион доллар деб баҳоланган эди. Шу йили у Forbes версияси бўйича 30 ёшгача бўлган энг кўп даромад қилувчи машҳурлар рўйхатида биринчи ўринни эгаллади.
Изоҳ (0)