Quyida eng g‘ayrioddiy sabablar va kutilmagan holatlar tufayli roliga tasdiqlangan yulduzlar haqida so‘z yuritamiz. Bu rollar o‘z vaqtida ularning muvaffaqiyatli karyeralariga yo‘l ochib bergan.
Emma Uotson
Ma’lumki, “Garri Potter” turkum kitoblari muallifi Joan Rouling doimo Germiona Grenjerni xunuk o‘rdakcha sifatida tasavvur qilgan va Emma Uotsonni bu qahramonni ijro etish uchun haddan tashqari go‘zal deb hisoblagan. Buni eshitgan qizcha yozuvchining telefon raqamini topib, uni fikridan qaytarishga harakat qilgan.
Keyinchalik yozuvchining eslashicha, Uotson hech qanday oldindan kelishuvlarsiz unga qo‘ng‘iroq qilib, “taxminan 60 soniya to‘xtamay gapirgan” va rolni o‘ynash istagini bildirgan.
Semyuel L. Jekson
-B1tkgu4U.avif)
Semyuel L. Jekson “Jinoiy asar” filmiga sinovlardan o‘tdim deb o‘ylardi. Ammo kutilmaganda aktyor Juls Vinfild roliga boshqa nomzod ham borligini bilib qoladi.
Semyuel darhol Los Anjelesga chipta sotib oladi va studiyaga yetib keladi. U yerda uni film prodyuserlaridan biri Lourens Bender kutib oladi. Jekson unga jimgina tikilib turib, sal oldin xarid qilgan burgerini sekin yeydi va to‘satdan baqirib yuboradi: “Sizlar bu rolni boshqa birovga bermoqchimisizlar?! Kullaringni ko‘kka sovuraman!”. Albatta, aktyor bundan boshqa qo‘pol so‘zlarni ham aytadi.
Tim Rot
-HApjQTJl.avif)
Tim Rot Kventin Tarantinoning birinchi yirik loyihasi “Quturgan itlar” ssenariysini o‘qib, hayratga tushadi. Biroq u Janob Apelsin rolini munosib darajada ijro eta olishiga ishonchi komil emasdi.
Shunda Kventin Timni ziyofatga taklif qiladi. U yerda ikkovi rosa ichishadi. Qadahlar ustida rejissyor aktyorni ssenariyni yana bir bor o‘qib chiqishga va rolni uddalay olishiga ishontirishga muvaffaq bo‘ladi. Natijada Tim rolni a’lo darajada ijro etadi.
Jeyson Momoa
-EwY6wlQc.avif)
Jeyson Momoa “Taxtlar o‘yini” serialidagi Kxal Drogo roli kastingiga kelganida unga g‘ayrioddiy vazifa qo‘yiladi. U bir og‘iz so‘z ham aytmay, yovvoyi dotrakiy jangchisi obrazini qanday tasvirlashni o‘ylab topishi kerak edi.
Aktyor maorilarning Xaka deb ataladigan an’anaviy jang raqsini ijro etishga qaror qiladi. Bu juda to‘g‘ri tanlov edi, chunki kasting rahbarlari Jeysonning harakatlaridan hayratga tushadi.
Denni DeVito
-C-8xkpjR.avif)
Denni DeVito televideniye va kinoda bir nechta kichik rollarni ijro etgandan so‘ng, uni “Taksi” serialining pilot qismiga sinovga taklif qilishadi. Shou bosh qahramonlaridan biri — Nyu York taksi kompaniyasining zolim dispetcheri Lui De Palma obrazini sinab ko‘rishni taklif etishadi.
Denni xonaga shiddat bilan kirib keladi, ssenariyni stolga uloqtirib, baqiradi: “Boshlashdan oldin bir narsani bilmoqchiman: bu axlatni kim yozgan?!” Aslida buyuk komediya ustasi “axlat” so‘zidan ham qo‘polroq iborani ishlatadi va bu dadil harakat o‘zini to‘la oqlaydi.
Fotolar IMDb saytidan olingan
Izoh (0)