Ko‘pchilik Gollivud yulduzlarining asl ismi mutlaqo boshqacha ekanligini bilmaydi. Shou-biznesda o‘z o‘rniga ega bo‘lish va barchadan ajralib turish uchun ba’zi san’atkorlar o‘z ismini esda qolarliroq boshqa nom yoki maxsus taxallusga o‘zgartirishga qaror qiladi.
Merilin Monro — Norma Jin Mortenson
Go‘zallik timsoli bo‘lgan Merilin Monroning asl ismi Norma Jin Mortenson edi. U aktrisa sifatida tanilganida oddiy ismini yanada jozibali nom bilan almashtirishga qaror qildi. “Monro” esa buvisining familiyasi bo‘lgan.
Elton Jon — Redjinalt Kennet Duayt
Britaniyalik mashhur musiqachi Redjinalt Duayt sahna uchun esda qolarli nomni yaratishga harakat qilgan. U “Elton” ismini sobiq guruhdoshi Elton Din sababli “Jon”ni esa sevimli ijrochilaridan biri Jon Baldri sharafiga tanlandi.
Ledi Gaga — Stefani Joann Anjelina Jermanotta
Xonanda Ledi Gaganing haqiqiy ismi juda uzun bo‘lgani va uning ijodkorlik qobiliyatini to‘liq namoyon qilmagani bois o‘ziga yangi taxallus o‘ylab topgan. Xonanda san’at olamida original qo‘shiqchi bo‘lishini istab, Queen guruhining “Radio Ga Ga” qo‘shig‘idan ilhomlanib taxallus tanlagan.
Vupi Goldberg — Kerin Eleyn Jonson
Taniqli aktrisa va komediya ustasi Vupi Goldbergning asl ismi Keren Eleyn Jonson. Vupi nomi “Whoopee Cushion” — kulgili ovoz chiqaruvchi yostiqcha) so‘zidan olingan. Yoshligida u juda sho‘x va hazilkash bo‘lgani uchun do‘stlari unga shu laqabni qo‘yishgan. “Goldberg” esa uning oilaviy ildizlari bilan bog‘liq bo‘lib, onasi unga sahna ismi yanada jiddiyroq va e’tiborga molik bo‘lishi uchun Goldberg familiyasini tanlashni maslahat bergan.
Bruno Mars — Piter Jen Ernandez
Mashhur qo‘shiqchi Bruno o‘ziga noodatiy taxallus tanlagan. “Bruno” ismini xonandaga otasi qo‘ygan bo‘lib, u o‘g‘lini mashhur kurashchi Bruno Sammartinoga o‘xshashini istagan.
Bruno Mars musiqiy karyerasini boshlaganida, uning “Ernandez” familiyasi faqat lotin-amerikalik san’atkorlar toifasidan joy olishini sezgan. O‘zini dunyo sahnasida ko‘ra olgan xonanda “men g‘ayrioddiyman, go‘yoki boshqa sayyoradanman” degan ma’noda “Mars” taxallusini tanlagan.
Izoh (0)