Қуйида энг ғайриоддий сабаблар ва кутилмаган ҳолатлар туфайли ролига тасдиқланган юлдузлар ҳақида сўз юритамиз. Бу роллар ўз вақтида уларнинг муваффақиятли карьераларига йўл очиб берган.
Эмма Уотсон
Маълумки, “Гарри Поттер” туркум китоблари муаллифи Жоан Роулинг доимо Гермиона Гренжерни хунук ўрдакча сифатида тасаввур қилган ва Эмма Уотсонни бу қаҳрамонни ижро этиш учун ҳаддан ташқари гўзал деб ҳисоблаган. Буни эшитган қизча ёзувчининг телефон рақамини топиб, уни фикридан қайтаришга ҳаракат қилган.
Кейинчалик ёзувчининг эслашича, Уотсон ҳеч қандай олдиндан келишувларсиз унга қўнғироқ қилиб, “тахминан 60 сония тўхтамай гапирган” ва ролни ўйнаш истагини билдирган.
Сэмюэл Л. Жексон
-B1tkgu4U.avif)
Сэмюэл Л. Жексон “Жиноий асар” фильмига синовлардан ўтдим деб ўйларди. Аммо кутилмаганда актёр Жулс Винфилд ролига бошқа номзод ҳам борлигини билиб қолади.
Сэмюэл дарҳол Лос Анжелесга чипта сотиб олади ва студияга етиб келади. У ерда уни фильм продюсерларидан бири Лоуренс Бендер кутиб олади. Жексон унга жимгина тикилиб туриб, сал олдин харид қилган бургерини секин ейди ва тўсатдан бақириб юборади: “Сизлар бу ролни бошқа бировга бермоқчимисизлар?! Кулларингни кўкка совураман!”. Албатта, актёр бундан бошқа қўпол сўзларни ҳам айтади.
Тим Рот
-HApjQTJl.avif)
Тим Рот Квентин Тарантинонинг биринчи йирик лойиҳаси “Қутурган итлар” сценарийсини ўқиб, ҳайратга тушади. Бироқ у Жаноб Апелсин ролини муносиб даражада ижро эта олишига ишончи комил эмасди.
Шунда Квентин Тимни зиёфатга таклиф қилади. У ерда иккови роса ичишади. Қадаҳлар устида режиссёр актёрни сценарийни яна бир бор ўқиб чиқишга ва ролни уддалай олишига ишонтиришга муваффақ бўлади. Натижада Тим ролни аъло даражада ижро этади.
Жейсон Момоа
-EwY6wlQc.avif)
Жейсон Момоа “Тахтлар ўйини” сериалидаги Кхал Дрого роли кастингига келганида унга ғайриоддий вазифа қўйилади. У бир оғиз сўз ҳам айтмай, ёввойи дотракий жангчиси образини қандай тасвирлашни ўйлаб топиши керак эди.
Актёр маориларнинг Хака деб аталадиган анъанавий жанг рақсини ижро этишга қарор қилади. Бу жуда тўғри танлов эди, чунки кастинг раҳбарлари Жейсоннинг ҳаракатларидан ҳайратга тушади.
Дэнни ДеВито
-C-8xkpjR.avif)
Дэнни ДеВито телевидение ва кинода бир нечта кичик ролларни ижро этгандан сўнг, уни “Такси” сериалининг пилот қисмига синовга таклиф қилишади. Шоу бош қаҳрамонларидан бири — Нью Йорк такси компаниясининг золим диспетчери Луи Де Палма образини синаб кўришни таклиф этишади.
Дэнни хонага шиддат билан кириб келади, сценарийни столга улоқтириб, бақиради: “Бошлашдан олдин бир нарсани билмоқчиман: бу ахлатни ким ёзган?!” Аслида буюк комедия устаси “ахлат” сўзидан ҳам қўполроқ иборани ишлатади ва бу дадил ҳаракат ўзини тўла оқлайди.
Фотолар IMDb сайтидан олинган
Изоҳ (0)