Namangan viloyatining To‘raqo‘rg‘on tumanidagi umumiy ovqatlanish shoxobchasida gaz va “svet”dan noqonuniy foydalanildi. Bu haqda Bosh prokuratura matbuot xizmati xabar berdi.
Maʼlum qilinishicha, “A.A.S.B” oilaviy korxonasi rahbari A.A. o‘ziga qarashli ovqatlanish shoxobchasida tarmoqqa o‘zboshimchalik bilan ulangan.
Holat bo‘yicha A.A.ga nisbatan Jinoyat kodeksining 169-moddasi 4-qismi “a” bandi (o‘g‘rilik juda ko‘p miqdorda) bilan jinoyat ishi qo‘zg‘atilib, u protsessual tartibda ushlangan.
Gazni o‘g‘irlayotgan ohak sexlari
Mart oyida Samarqand viloyatining Paxtachi tumanida 4 mlrd so‘mlik tabiiy gazdan noqonuniy foydalanilgan yashirin ohak sexi fosh etilgan edi. Aprelda esa Farg‘onada 69,4 mln so‘mlik tabiiy gazdan noqonuniy foydalangan ohak sexi aniqlangan.
May oyida esa yana Farg‘onada 289 mln so‘mlik tabiiy gazdan noqonuniy foydalanib, ohak sexi tashkil etilganligi aniqlangan edi. Avgust oyida Samarqandda 3,3 mlrd so‘mlik tabiiy gazdan noqonuniy foydalanib, ohak sexi tashkil etgan shaxs ushlangandi.
Sentyabrda Farg‘onada gazdan noqonuniy foydalangan ohak sexi mas’ullari davlatga 5,5 mlrd so‘mdan ziyod zarar yetkazdi. Shu bilan birga, aynan Farg‘ona shahrida noqonuniy ohak ishlab chiqarish sexi tashkil qilib, 544,6 mln so‘mlik tabiiy gazni o‘g‘irlaganlar qo‘lga tushgan edi.
Bundan tashqari, Samarqanddagi novvoyxonada 621 mln so‘mlik gazdan noqonuniy foydalanildi.
Gaz o‘g‘irlayotgan issiqxonalar
Izoh (0)