Navoiy viloyatining Konimex tumanida faoliyat yuritayotgan “G.R.” MCHJga qarashli binoda elektr energiyasidan noqonuniy foydalanildi. Bu haqda “O‘zenergoinspeksiya” axborot xizmati xabar berdi.
Maʼlum qilinishicha, MCHJ binosida taʼminot korxonasi bilan shartnoma tuzilmagan.
Ushbu qoidabuzarlik natijasida elektr taʼminoti korxonasiga 644,2 mln so‘mlik zarar yetkazilgan.
Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.
Bunday holatlar soni ortib bormoqda
Avvalroq Samarqand viloyatidagi korxonalardan biri 553 million so‘mlik elektrdan noqonuniy foydalangani aniqlangandi. Shu bilan birga, Qashqadaryoda 177 mln so‘mlik gaz va “svet”dan noqonuniy foydalangan shaxslar ushlangani xabar qilingandi.
Shuningdek, Qashqadaryoda elektrdan noqonuniy foydalangan korxona davlatga 1 mlrd so‘mdan ziyod zarar yetkazgan. Bundan tashqari, Toshkent, Samarqand va Qashqadaryo viloyatlarida energiya resurslariga noqonuniy ulanish holatlari fosh etilgandi.
Tizimga kiring yoki Roʻyxatdan oʻting.
yoki E-Pochta orqali
Roʻyxatdan oʻtganmisiz? Login.
yoki E-Pochta orqali
Rahmat. Biz sizning xabaringizni oldik va xatoni imkon qadar tezroq tuzatamiz.
Izoh (0)