Saudiya Arabistoni podshohi O‘zbekiston xalqiga muqaddas Kaʼba yopinchig‘i — kisvaning bir parchasini hadya qilishi, tomorqasini qarovsiz qoldirgan xonadon egalari endi uch karra yuqori soliq to‘lashi, Toshkentdagi maktabda nomaʼlum shaxs “qon to‘kilishi” bilan tahdid qilishi — “Daryo” nashri bugun, 19-fevralda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Toshkentda turistik kompaniyalarga ziyorat turlarini tashkil etishga cheklovlar qo‘yilgani rad etildi
Uzbekistan Airports aviachiptasi bor barcha yo‘lovchilar tegishli reyslarga o‘z vaqtida ro‘yxatdan o‘tkazilganini bildirdi.
O‘zbekistonda mualliflik huquqini buzganlik uchun jarima miqdori oshirilishi kutilmoqda
Deputatlar intellektual mulk himoyasini yanada kuchaytirishga qaratilgan qonun loyihasini birinchi o‘qishda qabul qildi.
Buxoroda 47 ta gaz to‘ldirish shoxobchasida narxlar sun’iy ravishda oshirilgani aniqlandi
Narxlarni bir vaqtda yoki ketma-ketlikda oshirib iste’molchilarga sotish orqasidan asossiz daromad olingan.
O‘zbekistonda banklardagi omonatlar endi tezroq qaytarib beriladi
“Banklardagi omonatlarni himoya qilish kafolatlari to‘g‘risida”gi qonun kuchga kirdi.
“O‘g‘limning tanasida elektroshoker, bo‘ynida tig‘ izlari bor edi” — Olmaliqdagi koloniyada vafot etgan Muhammadqodirning onasi
“Daryo” jurnalisti bilan suhbatlashgan marhumning onasi Nigora Qambarova o‘g‘li o‘z ajali bilan o‘lmaganini, o‘ldirilganini aytmoqda.
Andijonda xonadonlardan biri yonib ketdi (video)
Yong‘in sodir bo‘lishi omillari va moddiy zarar miqdori aniqlanmoqda.
Tomorqasini qarovsiz qoldirgan xonadon egalari endi uch karra yuqori soliq to‘laydi
Bu tajriba tariqasida amalga oshiriladi. Tomorqada yetishtirilgan mahsulotlardan olingan daromad yuqori bo‘lganida yer solig‘ining 90 foizi qaytarib beriladi.
Sirdaryodagi bog‘chada 6 yoshli bolaning tanasiga igna sanchib, tahdid qilindi
Bu ishni bog‘chaga amaliyot o‘tash uchun kelgan talaba qiz qilgani aniqlangan.
Toshkentdagi maktabda noma’lum shaxs “qon to‘kilishi” bilan tahdid qildi
Maktabgacha va maktab ta’limi boshqarmasi holat yuzasidan munosabat bildirdi.
Saudiya Arabistoni podshohi O‘zbekiston xalqiga muqaddas Kaʼba yopinchig‘i — kisvaning bir parchasini hadya qildi
Saudiya Arabistoni haj va umra ishlari vaziri prezident Shavkat Mirziyoyevga ushbu hadyani topshirdi.
Kelgusi ikki yilda O‘zbekiston banklari uy xo‘jaliklarining daromadi pastligi muammolariga duch kelishi mumkin — tahlil
O‘zbekistonda isteʼmol va mikrokreditlar ulushining oshishi bank kredit portfelida risk darajasi yuqori bo‘lgan segmentlarning ko‘payganidan dalolat beradi.
Toshkentdagi qurilish ketayotgan binoda erkak zinadan yiqilib halok bo‘ldi
U bino yerto‘lasiga tushib ketgan.
O‘zbekistonda Ikkinchi jahon urushi qatnashchilari va nogironlarining har biriga 10 ming dollar pul mukofoti beriladi
Shuningdek, ularga tenglashtirilgan shaxslar va urush davridagi mehnat fronti qatnashchilari ham moddiy rag‘batlantiriladi.
Markaziy bank fuqarolarga tegishli bank kartalari haqida yuborilayotgan SMS xabarlar bo‘yicha tushuntirish berdi
SMS xabarlar fuqarolarni ularning nomiga rasmiylashtirilgan bank kartalari to‘g‘risida xabardor qilish maqsadida yuborilmoqda.
Mubashshir Ahmad qidiruvga berildi
IIV matbuot xizmati buning sababini maʼlum qildi.
Prezident hudud va tarmoqlar kesimida energiya isrofini kamaytirish bo‘yicha qatʼiy ko‘rsatma berdi
Shavkat Mirziyoyev energiya samaradorligini oshirish bo‘yicha takliflar taqdimoti bilan tanishdi.
Yolg‘iz va kam taʼminlangan Ikkinchi jahon urushi qatnashchilarining yashash joylari taʼmirlanadi
Bu yilgi Xotira va qadrlash kuni “Vatan ravnaqi, tinchligi va himoyasi yo‘lidagi qahramonlik unutilmaydi” shiori ostida o‘tkaziladi.
Izoh (0)