Andijonda o‘zboshimchalik bilan tarmoqqa ulanib, 621,6 mln so‘mlik elektr energiyasidan noqonuniy foydalanib kelayotgan MCHJ fosh etildi. Bu haqda “O‘zenergoinspeksiya” matbuot xizmati xabar berdi.
Maʼlum qilinishicha, Qo‘rg‘ontepa tumanidagi tikuvchilik sexida o‘zboshimchalik bilan tarmoqqa ulanib, elektr energiyasidan noqonuniy foydalanilgan.
Ushbu qoidabuzarlik natijasida energiya taʼminoti korxonasiga 621,6 mln so‘mlik zarar yetkazilgan.
Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.
Bunday holatlar soni ortib bormoqda
Avvalroq Samarqand viloyatidagi korxonalardan biri 553 million so‘mlik elektrdan noqonuniy foydalangani aniqlangandi. Shu bilan birga, Qashqadaryoda 177 mln so‘mlik gaz va “svet”dan noqonuniy foydalangan shaxslar ushlangani xabar qilingandi.
Shuningdek, Qashqadaryoda elektrdan noqonuniy foydalangan korxona davlatga 1 mlrd so‘mdan ziyod zarar yetkazgan. Bundan tashqari, Toshkent, Samarqand va Qashqadaryo viloyatlarida energiya resurslariga noqonuniy ulanish holatlari fosh etilgandi.
Izoh (0)