Toshkent viloyatida o‘tkazilgan reydlar vaqtida qonunbuzilish holatlari fosh etildi, deb xabar berdi “Hududgaztaʼminot” AJ matbuot xizmati.
Maʼlum qilinishicha, Ohangaron tumani “Alisher” MFYda joylashgan “A.I.B.” fermer xo‘jaligiga qarashli issiqxona xatlovdan o‘tkazildi. Unda isteʼmolchi bir martalik tamg‘a o‘rnatilgan zulfin va elektron gaz hisoblash uskunasini olib tashlab tabiiy gazdan noqonuniy foydalanib kelayotgani aniqlandi.
Holat yuzasidan dalolatnoma tuzilib, gaz sarfi qayta hisob-kitob qilindi va 2 mlrd 955 mln so‘mlik zarar aniqlandi.
Qibray tumanining “Guliston” MFYda joylashgan xonadonda yashovchi fuqaro N.D. issiqxona tashkil qilib, tabiiy gaz tarmog‘iga hisoblagichdan oldin to‘g‘ridan-to‘g‘ri ulangan.
Noqonuniy holat bo‘yicha 49 mln 673 ming so‘mlik tabiiy gaz hajmi qayta hisob-kitob qilindi.
Holatlar bo‘yicha barcha hujjatlar huquqni muhofaza qiluvchi organlarga topshirildi.
Gaz o‘g‘irlayotgan issiqxonalar
Toshkent viloyatida 618,4 million so‘mlik tabiiy gazdan noqonuniy foydalangan issiqxona aniqlangandi.
Shuningdek, Samarqandda 1 milliard so‘mlik tabiiy gazdan noqonuniy foydalangan ikkita issiqxona fosh bo‘lgani to‘g‘risida xabar berilgandi.
Izoh (0)