Farg‘ona viloyatida o‘tkazilgan reyd jarayonida qonun buzilishi holati fosh etildi, deb xabar bermoqda “Hududgaztaʼminoti” AJ matbuot xizmati.
Maʼlum qilinishicha, “Y. X.” MCHJga qarashli umumiy ovqatlanish maskanida tabiiy gazdan foydalanish holati xatlovdan o‘tkazildi.
O‘rganish jarayonida korxonada nosoz gaz hisoblagich orqali tabiiy gazdan noqonuniy foydalanib kelgani maʼlum bo‘ldi.
Holat bo‘yicha tegishli tartibda dalolatnoma tuzilib, 1 milliard 151 million so‘mlik zarar qayta hisob-kitob qilindi. Barcha materiallar huquqni muhofaza qiluvchi organlarga yuborildi.
Bunday holatlar soni ortib bormoqda
Avvalroq Samarqand viloyatidagi korxonalardan biri 553 million so‘mlik elektrdan noqonuniy foydalangani aniqlangandi. Shu bilan birga, Qashqadaryoda 177 mln so‘mlik gaz va “svet”dan noqonuniy foydalangan shaxslar ushlangani xabar qilingandi.
Shuningdek, Qashqadaryoda elektrdan noqonuniy foydalangan korxona davlatga 1 mlrd so‘mdan ziyod zarar yetkazgan. Bundan tashqari, Toshkent, Samarqand va Qashqadaryo viloyatlarida energiya resurslariga noqonuniy ulanish holatlari fosh etilgandi.
Izoh (0)