Meksika AQSHdan noqonuniy migrantlarni olib kelayotgan harbiy transport samolyotini qabul qilishdan bosh tortdi.
Bu haqda NBC telekanali manbalarga tayanib xabar berdi.
"Meksika AQSh harbiy samolyotiga qo‘nishga ruxsat bermadi. Bu esa Tramp ma’muriyatining migrantlarni mamlakatdan deportatsiya qilish rejalariga vaqtincha xalaqit berdi" deyiladi telekanal xabarida.
Shu bilan birga, Gvatemala migratsiya instituti mamlakatga ichida noqonuniy migrantlar bo‘lgan birinchi samolyotlar AQSHdan yetib kelganini ma’lum qildi.
“80 nafar gvatemalalik qaytib keldi: 31 ayol, 48 erkak va bitta hamrohsiz o‘smir”, deyiladi bayonotda. Kelganlar ro‘yxatga olindi, shundan so‘ng ularga oziq-ovqat, kiyim-kechak, gigiyena to‘plamlari berildi, psixologik yordam ko‘rsatildi, shuningdek, telefondan foydalanish imkoniyati berildi. Ayni damda ular Migrantlarga yordam ko‘rsatish markazidagi boshpanaga joylashtirilmoqda.
AQSh prezidenti Donald Tramp maʼmuriyati allaqachon noqonuniy migrantlarni sudsiz deportatsiya qilishga ruxsat bergan, shuningdek, o‘zidan avvalgi Jo Bayden tomonidan bekor qilingan “Meksikada qoling” dasturi qayta tiklanishi haqida eʼlon qilgan edi.
Izoh (0)