AQSh Senati Pit Xegsetni mudofaa vaziri lavozimiga tasdiqladi.
Ma’lum qilinishicha, bu nomzod bo‘yicha yuqori palatadagi fikrlar teng bo‘lingan, shu sababli AQSh vitse-prezidenti Jeyms Devid Vens o‘z ovoz berish huquqidan foydalangan. AQSh Konstitutsiyasiga ko‘ra, u Kongressning yuqori palatasiga raislik qiladi.
44 yoshli Xegset AQSh Qurolli kuchlari faxriysi va jangovar harakatlar ishtirokchisidir. U quruqlikdagi kuchlarda mayor unvoni va harbiy ordenga ega. U zobitlik unvonini o'zining tug'ilgan Minnesota shtatidagi Milliy gvardiyadagi xizmati orqali olgan.
Bundan tashqari, Xegset Fox News telekanalida sakkiz yil boshlovchi bo‘lib ishlagan. Shuningdek, u bir nechta kitoblar yozgan va ikkita faxriylar huquqlarini himoya qilish tashkilotiga rahbarlik qilgan. Prinston va Garvard universitetlarida tahsil olgan.
Avvalroq Senat Qurolli kuchlar qo‘mitasining yig‘ilishida demokratlar Pit Xegset Pentagonga rahbarlik qilish uchun yetarli malakaga ega emas degan fikrni bildirishgan edi. Ammo qo‘mita uning nomzodini ma’qulladi.
Izoh (0)