Rossiya AQSHda ishlab chiqilayotgan gipertovushli raketa loyihasini o‘g‘irlashga erishdi, deya ma’lum qildi AQSH prezidenti Donald Tramp.
Uning aytishicha, bu voqea 2009 va 2017-yillar oralig‘ida, AQSHning sobiq prezidenti Barak Obama Oq uyda bo‘lgan davrda sodir bo‘lgan.
Rossiya loyihani o‘g‘irladi, ular buni bizdan olishdi. Qandaydir yovuz kimsa ularga super gipertovushli raketa loyihasini berdi, dedi Tramp Fox News’ga bergan intervyusida.
Biroq u AQSH baribir o‘zining “o‘ta kuchli tovushli” raketalariga ega bo‘lishini va ular “Rossiya vakillari o‘g‘irlagan chizmalardan ham bir pog‘ona ustun” bo‘lishini ta’kidladi. Tramp bunday raketalarni yaratish ishlari tez orada boshlanishini va’da qildi. Shuningdek, u kelajakdagi urushlar jang maydonlarida emas, balki havoda olib borilishini, shu bois dronlarning ahamiyati juda muhimligini qayd etdi.
Aniqlanishicha bu Trampning Rossiyani gipertovushli raketa loyihasini o‘g‘irlashda birinchi ayblovi emas. 2020-yilda AQSH yetakchisi Moskvada “tezligi oddiy raketadan 5 baravar yuqori bo‘lgan o‘ta kuchli tovushli raketa” mavjudligini aytgan edi. O‘shanda ham u Rossiya Obama ma’muriyati davrida bu ishlanma haqida ma’lumot olganini ta’kidlagan.
Tramp, shuningdek, 2023-yilgi saylovoldi kampaniyasidagi mitinglardan birida o‘z ayblovlarini yana takrorlagan. Kreml bunga javoban Rossiyaning “o‘zining ajoyib raketasi” borligini ma’lum qildi.
Bizning raketamiz janob Trampning o‘ta-o‘ta tushunchasiga mos keladimi-yo‘qmi, aytishim qiyin, ammo u dunyoda hali o‘xshashi yo‘q ajoyib raketa, dedi Rossiya prezidenti matbuot kotibi Dmitriy Peskov.
Rossiya prezidenti Vladimir Putin 2024-yilning dekabr oyida Qo‘shma Shtatlarga Kiyevga “Oreshnik” tizimidagi raketa bilan zarba berib, “XXI asr yuqori texnologiyali dueli”ni o‘tkazishni taklif qilgan edi.
Agar G‘arb mutaxassislari “Oreshnik” zarbasini qaytarish mumkin, deb taxmin qilsa, u holda ular bizga va G‘arbda, AQSHda ularga mablag‘ ajratadigan shaxslarga XXI asrning yuqori texnologiyali dueli sifatida muayyan texnologik tajriba o‘tkazishni taklif etishsin. Ular, aytaylik, Kiyevda mag‘lubiyatga uchraydigan biror obyektni aniqlasin, u yerga o‘zlarining barcha havo mudofaasi va raketaga qarshi mudofaa kuchlarini jamlasin, biz esa u yerga “Oreshnik” bilan zarba beramiz. Ko‘ramiz, nima bo‘ladi. Biz bunday tajribaga tayyormiz. Boshqa tomon tayyormi?, degan Rossiya yetakchisi.
Uning qo‘shimcha qilishicha, “bu Rossiya uchun ham, Amerika tomoni uchun ham foydali bo‘ladi”. Shuningdek, Putin “Oreshnik” “zamonaviy va mutlaqo yangi qurol” ekanligini ta’kidladi.
“Oreshnik” raketa tizimi
Putin 21-noyabr kuni Ukrainadagi obyektga ballistik raketa zarbasi berilganini tasdiqlagan edi.
Uning so‘zlariga ko‘ra, sinovlar muvaffaqiyatli o‘tgan, armiya ko‘zlangan maqsadga erishgan: “Dnepropetrovskda Sovet ittifoqi davridan beri eng yirik va mashhur sanoat majmualaridan biri bo‘lgan, bugungi kunda raketa texnologiyalari va boshqa qurollar ishlab chiqaradigan Yujmash zavodi zarar ko‘rgan”.
“Shu paytdan boshlab, biz bir necha bor ta’kidlaganimizdek, avvalroq G‘arb tomonidan qo‘zg‘atilgan Ukrainadagi mintaqaviy mojaro global miqyosda tus oldi”, dedi Rossiya yetakchisi.
Izoh (0)