AQSH janubiy chegarasidagi vaziyat milliy xavfsizlikka tahdid solmoqda, chunki 2024-yil boshidan beri chegarada muhojirlarni qo‘lga olishlar soni 1 millionga yaqinlashdi. Bu haqda AQSH chegara xizmati rahbari Jeyson Ouens CBS News telekanaliga bergan intervyusida ma’lum qildi.
Bu milliy xavfsizlikka tahdid. Chegara xavfsizligi milliy xavfsizlikning muhim qismidir. Mamlakatimizga kimlar kirib kelayotganini bilmasak, ularning niyatlarini bilmaymiz, — dedi AQSH chegara xizmati rahbari.
Ouens so‘nggi olti oy ichida Chegara xizmati AQSH—Meksika chegarasida 1 millionga yaqin muhojirning qo‘lga olinishini qayd etgani va bu raqam sentyabrga kelib ikki baravar oshishi mumkinligini ta’kidlagan.
Bu juda katta raqam, lekin meni ko‘proq 140 000 nafar bekinib olganlar tashvishga soladi , — deya qo‘shimcha qilgan Ouens.
2022 va 2023-yillarda AQSH chegara xizmati janubiy chegarani noqonuniy kesib o‘tgan 2 milliondan ortiq muhojirlarning hibsga olingani haqida xabar bergan, bu tarixdagi eng yuqori ko‘rsatkichdir.
2023-yilning may oyida mamlakat deportatsiya bo‘yicha 42-modda deb ataladigan maxsus rejimni qo‘llashni to‘xtatgan. Unga ko‘ra, muhojirlarga COVID-19 tarqalishi xavfi tufayli boshpana berish rad etilishi mumkin bo‘lgan. Amaldagi prezident Jo Bayden ma’muriyati boshpana olish huquqiga ega bo‘lmaganlarni deportatsiya qilish talablarini joriy etishiga qaramay muhojirlar oqimi kamaymagan.
Izoh (0)