O‘zbekistonning Fransiyadagi elchixonasida mamlakatning Aerophile groupe kompaniyasi prezidenti Jerom Giakomoni bilan muzokaralar o‘tkazildi. Bu haqda “Dunyo” AA xabar berdi.
Muloqot davomida O‘zbekistonda turistlar uchun xizmat ko‘rsatuvchi havo shari va aerobar loyihasini amalga oshirish imkoniyatlari muhokama qilindi.
Kompaniya prezidenti O‘zbekistonda havo shari va aerobar loyihasini samarali amalga oshirish uchun barcha sharoitlar mavjudligini taʼkidladi.
“Kompaniyasi tomonidan Fransiya, AQSH, Germaniya, Ispaniya, Polsha, Buyuk Britaniya, Vengriya, Turkiya, BAA, Saudiya Arabistoni, Janubiy Koreya, Singapur, Yaponiya, Xitoy, Tailand, Kamboja, Vyetnam, Iordaniya, Iroq, Tunis, Gruziya, Meksika, Braziliya, va boshqa turizm industriyasi rivojlangan davlatlarda mazkur loyiha muvaffaqiyatli amalga oshirilgan. Aerobar loyihasi O‘zbekiston uchun qiziqarli va muvaffaqiyatli bo‘lishiga ishonchim komil”, dedi Jerom Giakomoni.
Izoh (0)