Xonadonimizning tozaligi oila a’zolarini zararli mikroblar va bakteriyalardan himoya qilishga yordam beradigan hayotimizning ajralmas bo‘lagidir. Uy yumushlarini bajarishda asosan eng ko‘p kiriladigan xonalar va tez-tez ishlatiladigan narsalarga alohida e’tibor qaratish lozimligini bilamiz. Ammo ba’zilar tozalash ishlarida quyidagi xatoliklarni takrorlab turadi. Ular salomatlik uchun xavf tug‘dirishi mumkin.
Idishlarni va oshxona mebellarini artish/yuvish uchun bir xil gubkadan foydalanish
Idishlarni yuvishda gubkalar bekalarning eng yaxshi yordamchisiga aylangan, ammo u uydagi eng iflos predmetlardan husoblanadi. Vaqtida yangilanmagan gubkada turli mikroblar yig‘ilishi, jumladan, ichak tayoqchasi, salmonella kasalligi avj olishi uchun issiq va nam muhit yaratadi. Shu sababdan ham uni har haftada yangilab turish lozim, yo‘qsa yuvilgan idish, stol yuzasi va oshxonaning boshqa yerlarida mikrob ko‘payishiga olib keladi. Gubkani mikroto‘lqinli pechda yoki idish yuvish mashinasida dezinfeksiya qilish foyda bermaydi.
AQSh Milliy Sanitariya Jamg‘armasi tomonidan o‘tkazilgan tadqiqotga ko‘ra, oshxonadagi gubka 75% dan ortig‘i koliform bakteriyalar bilan ifloslangan bo‘ladi, bu esa oshqozon-ichak traktida katta muammolarni keltirib chiqarishi mumkin. Bunday mikroorganizmlar iliq va nam muhitda haftalar va hatto oylar davomida yashab qolishi mumkin. Chunki bitta gubka bilan xom go‘sht, parranda, dengiz mahsulotlari va tuxum kabilardan foydalangan idishlarni yuvamiz.
Idishlarni yuvib bo‘lgach, rakovinani tozalamaslik
Oshxona rakovinasi uydagi eng iflos yuzalardan biridir. Tadqiqotlar shuni ko‘rsatadiki, tozalanmagan rakovinalarning 45 foizida salmonella kabi koliform bakteriyalar mavjud. Masalan, go‘sht kesish taxtachasidan foydalangandan so‘ng rakovinani dezinfeksiya qilmasangiz va undan foydalanishda davom etsangiz, bakteriyalar boshqa idish-tovoqlarga yuqish xavfi bor.
Xom go‘shtdagi bakteriyalar kanalizatsiyada to‘planadi va undan qutulishning yagona usuli — dezinfeksiyalovchi vosita bilan yuvish.
Muzlatgichni tozalashda uning ichki qismini qoldirib ketish
Muzlatgichingizning tashqi qismini muntazam artib turish bilan birga uning tortmalariga, go‘sht saqlanadigan joylariga ham ahamiyat berish lozim. Muzlatgichning past haroratga qaramay, unda turli bakteriyalar va boshqa zararli organizmlar bo‘lishi mumkin. Eng ko‘p ifloslangan joylar bu sabzavot solinadigan qismlar hamda go‘sht solinadigan bo‘limlardir. U yerda vaq o‘tib salmonella, listeriya bakteriyalari yuzaga kelishi yoki mog‘orlashi mumkin.
Amerika klining instituti muzlatgichning ichki qismini tozalash uchun soda eritmasidan foydalanishni tavsiya qiladi.
Dushni tozalashda uning nasadka qismini unutib qoldirish
Sil kasalligini keltirib chiqaradigan mikobakteriyalar dushning aynan suv keladigan tirqishlarida to‘planib qoladi. Tadqiqotlar shuni ko‘rsatadiki, bunday bakteriyalar ifloslangan dushdagi suv orqali o‘pkaga yetib borishi mumkin, shuning uchun uni tozalashni unutmaslik kerak.
Uylarni tozalash paytida derazalarni ochmaslik va havo almashtirmaslik
Tozalash vositalarida mavjud bo‘lgan kimyoviy moddalar zararli mikroblarni o‘ldirishga yordam beradi, ammo ular nafas olish yo‘llari uchun xavfli bo‘lishi mumkin.
Amerikaning o‘pka kasalliklari assotsiatsiyasi ma’lumotlariga ko‘ra, kimyoviy tozalovchi vositalar xona haroratida bug‘lanib ketadigan xavfli moddalarni, jumladan zaharli va allergiya qo‘zg‘atuvchi organik birikmalarni chiqaradi. Ular ko‘zlarning qichishi, yo‘talish, aksirish va bosh og‘rig‘iga sabab bo‘ladi. Shu sababli uylarni tozalash vaqtida eshik va derazalar ochiq turishi lozim.
Quruq mato bilan chang artish
Quruq mato yoki sochiq aslida changdan tozalaydi, balki uni har yerga tarqatib yuboradi. Changni tozalash uchun nam sochiq yoki mikrofibra matosidan foydalangan ma’qul. Mikrofibrani quruq holda ishlatilishi mumkin, chunki bu material changni ushlab qoladigan xususiyatga ega.
Izoh (0)