2022-yildan buyon AQShga noqonuniy yo‘llar bilan kelgan 102,1 ming nafar kishi Amerikaning Texas shtatidan chiqarib yuborildi, deyiladi shtat gubernatori Greg Ebbott saytidagi bayonotda. Eng ko‘p migrant (37,5 ming nafar) Nyu-Yorkka olib ketilgan.
Gubernator veb-saytidagi bayonotga ko‘ra, 2022-yildan beri Texasdan quyidagi miqdorda migrantlar chiqarib yuborilgan:
- Vashingtonga 12,5 mingdan ortiq migrant;
- Nyu-Yorkka 37,5 mingdan ortiq migrant;
- Chikagoda 31,2 mingdan ortiq migrant;
- Filadelfiyaga 3,4 mingdan ortiq migrant;
- Denverga 16 mingdan ortiq migrant;
- Los-Anjelesga 1,5 mingdan ortiq migrant.
Bundan tashqari, Texas huquq-tartibot idoralari Lone Star deb nomlangan noqonuniy immigratsiyaga qarshi operatsiya doirasida opioid fentanil giyohvand moddasining 454 milliondan ortiq dozasini musodara qildi.
“Musodara qilingan har bir unsiya giyohvand modda prezident Jo Baydenning ochiq chegara siyosati tufayli Texas va butun mamlakat bo‘ylab tarqalishi mumkin edi”, — deyiladi bayonotda.
CNN maʼlumotlariga ko‘ra, birgina 2023-yil dekabrida 225 ming kishi Amerika chegarasini noqonuniy kesib o‘tgan, bu 2000-yildan beri rekord ko‘rsatkichdir. Texas shtati rahbariyati AQSh hududiga bostirib kirish sodir bo‘lganini e’lon qildi (konstitutsiyaga ko‘ra, bu shtatga ko‘proq vakolatlarni qo‘llash imkonini beradi). Keyinchalik, Texas Milliy gvardiyasi Meksika bilan chegarada tikanli sim o‘rnatdi.
22-yanvar kuni AQSh Oliy sudi Jo Bayden tashabbusi bilan Meksika bilan chegaradagi sim to‘siqlarni olib tashlashni buyurdi. AQSh ma’muriyatining ta’kidlashicha, to‘siqlar federal chegara patrul xizmati xodimlariga migrantlarni hibsga olish va ularga qonun talabiga binoan kerak bo‘lganda yordam ko‘rsatishga to‘sqinlik qiladi.
Izoh (0)