AQSH prezidenti lavozimiga kirishgan Donald Tramp Meksika bilan chegarada favqulodda holat e’lon qildi. Bu haqda CNN xabar berdi.
“Bugun men bir qator tarixiy farmonlarni imzolashni rejalashtirmoqdaman. Ular yordamida biz AQSHning to‘liq tiklanishini va sog‘lom fikrning haqiqiy inqilobini boshlaymiz. Birinchi navbatda, janubiy chegaramizda favqulodda holat e’lon qilaman va u yerga qo‘shinlarimizni jo‘nataman”, degan inauguratsiyadan so‘ng u.
AQSH prezidenti chegaradagi barcha noqonuniy o‘tish joylari yopilishini ma’lum qildi. U AQSH millionlab jinoyatchilarni o‘zlari kelgan mamlakatlarga qaytarish jarayonini boshlashini aytdi. “Meksikada qoling” dasturi esa tiklanadi, uning doirasida AQSHdan boshpana izlayotgan odamlar Meksikaga kirish uchun ruxsat berilishini kutishi kerak.
AQSH prezidenti “bosqinchilikni to‘xtatish” uchun janubiy chegaraga amerikalik harbiylarni yuborishga va’da berdi. U Meksika kartellari xalqaro terrorchilik tashkiloti sifatida tan olinishini aytdi.
Tramp tug‘ilganlik huquqi asosida xorijliklarga fuqarolik berishni ham bekor qildi. So‘nggi paytlarda farzand ko‘rish uchun Amerikaga borish ommalashib ketgan. Ko‘pincha bo‘lajak ota-onalar buning uchun sohildagi iliq shtatlarni tanlaydi.
Bozorda bunday sayohatlarni tashkil etishda yordam beradigan sayyohlik agentliklari mavjud. AQSHning ayrim perinatal markazlarida MDHdan kelgan ota-onalarga rus tilida so‘zlashuvchi xodimlar xizmat ko‘rsatadi. AQSHda tug‘ilish narxi ko‘plab omillarga bog‘liq bo‘lib, 8 mingdan 19 ming dollargacha o‘zgarib turadi.
Fuqarolik va immigratsiya huquqlarini himoya qiluvchi guruhlar koalitsiyasi allaqachon farmon tufayli Tramp ma’muriyati ustidan sudga murojaat qilgan.
Izoh (0)