AQSHning Texas shtati San-Antonio shahrida politsiya ichida 46 kishining jasadi bo‘lgan yuk mashinasini topdi, yana 16 kishi mashinadan chiqarib olindi va shifoxonalarga yetkazildi.
18 g‘ildirakli yuk mashinasida odamlar konditsionersiz va suvsiz qolib ketgan. Ayollar, erkaklar va o‘smirlar issiq urishdan vafot etgan, dedi San-Antonio yong‘in muhofazasi boshlig‘i Charlz Xud.
Politsiya yuk mashinasini Kintana-roud yo‘li bo‘ylab temiryo‘l yaqinidagi mavzelardan birida topdi. Xaritalarga ko‘ra, bu joy Meksika bilan chegaradan 943 kilometr uzoqlikda joylashgan. Dastlabki versiyaga ko‘ra, halok bo‘lganlar muhojirlar bo‘lgan, deya ta’kidladi mahalliy WOAI telekanali tergovga yaqin manbaga tayanib.
Respublikachi Texas gubernatori Greg Ebbot yuk mashinasidan muhojirlarning jasadlari topilganini tasdiqladi. “Bu o‘limlarga AQSH prezidenti Jo Baydenga javobgar. Bular uning ochiq chegaralar haqidagi halokatli siyosati oqibatidir”, — dedi u Twitter’dagi postida.
San-Antonio politsiyasi boshlig‘i Uilyam Makmanus va shahar meri Ron Nirenbergning aytishicha, tergov federal hokimiyatga topshirilgan.
AQSHning sobiq prezidenti, respublikachi Donald Tramp o‘z hukmronligi davrida “nol bag‘rikenglik” siyosatini olib borgan edi, ya’ni noqonuniy muhojirlar oilalarining AQSHda topishishini man qilgan. U AQSHni Meksikadan ajratib turuvchi devor qurilishi uchun budjetdan pul ajratish uchun mamlakat janubiy chegarasida favqulodda holat e’lon qilgan.
Demokrat Jo Bayden AQSH prezidenti bo‘lgach, Trampning muhojirlar haqidagi farmonini va favqulodda holatni bekor qildi, Pentagon devor qurilishini moliyalashtirishdan bosh tortdi. Bundan tashqari, u Tramp Amerika mehnat bozoriga tahdid deb hisoblagan xorijliklar toifalarining mamlakatga kirishiga ruxsat berdi, so‘ng Amerika fuqaroligini olish tartibini soddalashtirishga va’da berdi.
AQSH prezidentining xatti-harakatlari Gonduras, Gvatemala, Ekvadordan kelgan ko‘p minglab muhojirlar “karvonlari” paydo bo‘lishiga olib keldi. 2021-yilning mart oyidayoq AQSH Immigratsiya xizmati Meksikadan kelgan noqonuniy muhojirlarni deportatsiya qilishni boshladi.
Izoh (0)