Koronavirusni yenggan 99 yoshli onaxon, onlayn ta’limga qarshi bolalar, avtobusdagi Kim Chen In. 26-mart suratlari
Dunyoning turli burchaklarida 26-mart kuni olingan eng qiziqarli suratlarni taqdim qilamiz.
Toshkent shahrining markaziy ko‘chalaridan biri sanalgan Navoiy ko‘chasida tush vaqti odam gavjum.Foto: “Daryo”
Italiya hukumati Venetsiyadagi Judekki kanali bo‘ylab sayohat kemalari harakatini vaqtincha taqiqlashga qaror qildi. Endi kruiz laynerlar sanoat portiga joylashadi.Foto: EPA
Avstraliyaning Vindzor shahri aholisi toshqin sodir bo‘lganidan keyin o‘z uylarini tartibga keltirishni boshladi.Foto: EPA
Toshkent shahrining Xalqlar do‘stligi maydoni oldidagi tunneldan Xadra maydoniga olib boruvchi yo‘lda yotqizilgan yangi asfalt va yo‘l chetida turgan asfalt mashinalari. Ikki kun davomida tunnelning Xadraga olib boruvchi yo‘llari ta’mirlandi va chuqurlari yamaldi.Foto: “Daryo”
Tinch okeani floti uchun qurilgan “Magadan” dizel-elektrli suvosti kemasi “Admiralteyskiye verfi” zavodida suvga tushirildi.Foto: “TASS”
Tayvanliklar Taybey ko‘chalarida Xitoyning uyg‘urlarga nisbatan siyosati hamda AQShdagi osiyoliklarga qaratilgan irqchilik va ksenofobiyaga qarshi norozilik namoyishiga chiqdi.Foto: EPA
Meksikaning Tixuana shtatidagi AQSh bilan chegara to‘sig‘i oldida yotgan kubalik migrantning jasadini ko‘zdan kechirayotgan chegara xizmati xodimi. Kubalik migrant AQShga suzib o‘tishga urinish vaqtida cho‘kib, halok bo‘lgan.Foto: Reuters
Toshkent shahrining Xalqlar do‘stligi maydonidan Xadra maydoniga olib boruvchi yo‘l chetidagi ustunlarda yurib ketayotgan mayna.Foto: “Daryo”
Gonduraslik 34 yoshli migrant Fransisko to‘qqiz oylik qizi Meganni tong shamoli va sovug‘idan pana qilib turibdi. Rio-Grande daryosi orqali Meksikadan AQShga o‘tib olgan erkak migrantlarni vaqtincha saqlash markaziga olib ketilishini poylamoqda.Foto: Reuters
Hindistonning G‘oziobod shahridagi qarovsiz yo‘lda kriket o‘ynayotgan fermerlar. Fermerlar to‘g‘risidagi yangi qonunga norozilik sifatida fermerlar 12 soatlik ish tashlash e’lon qildi.Foto: Reuters
Oq uyda o‘zining birinchi matbuot anjumanini o‘tkazayotgan AQSh prezidenti Jo Baydenga o‘zaro ijtimoiy masofa saqlab o‘tirgan jurnalistlar savol bermoqda.Foto: Reuters
Quddusda ortodoksal yahudiylar Fisih bayrami arafasida barcha xamirturushli (tayyorlash paytida achitqi ishlatilgan) oziq-ovqatlarni yoqdi.Foto: EPA
Italiyada maktab o‘quvchilari, ota-onalar va o‘qituvchilar COVID-19 pandemiyasi sababli joriy etilgan masofaviy ta’limga qarshi norozilik namoyishi o‘tkazmoqda.Foto: EPA
Rassom Endi Uorhol chizgan Qirolicha Yelizaveta II surati Prints and Multiples ko‘rgazmasi oldidan namoyish qilinmoqda. Mashhur ko‘cha rassomi Benksi auksionga qo‘yiladigan ushbu surat haqida fikrlarini quyidagicha tarzda bildirib o‘tdi: “Men bu ahmoqona suratni Christie’s auksion uyida sotib olishlariga ishonmayman”.Foto: EPA
Tailand transport vaziri 2021-yil kuzida yo‘lovchilar uchun ochilishi kerak bo‘lgan yangi metro liniyasida sayohat qildi.Foto: EPA
Neapol shahrining Plebishito maydonida sartarosh va vizajistlar norozilik aksiyasi o‘tkazdi. Karantin cheklovlari kuchaytirilishi tufayli ularning faoliyat yuritishiga taqiq qo‘yildi.Foto: Reuters
Barselonda koronavirus bilan kasallangan 63 yoshli Joan Soler Serda kasalxonasiga yotqizilganidan 114 kun o‘tgach, “dengiz terapiyasi” doirasida doktor Andrea Kastelvi bilan birga dengiz qirg‘og‘i bo‘yida.Foto: Reuters
Tailandda o‘ninchi marta o‘tkazilayotgan Xalqaro hayvonlar ko‘rgazmasida quyoshdan saqlovchi ko‘zoynak taqib olgan ikki fransuz buldogi.Foto: Getty Images
Meksikaning Valye-de-Chalko shahridagi qabristonda qabr qaziyotgan go‘rkov. Meksika AQSh va Braziliyadan so‘ng koronavirus oqibatida yuz bergan o‘lim holatlari bo‘yicha uchinchi o‘rinda turibdi.Foto: Getty Images
Zangiota tumanidagi yuqumli kasalliklar shifoxonasida koronavirusdan tuzalgan 99 yoshli ayol va uni davolagan shifokorlar. 1922-yilda tug‘ilgan ayol 14-mart kuni shifoxonaga olib kelingan, 2 haftadan kamroq muddat ichida u to‘liq sog‘ayib, uyiga javob berilgan.Foto: SSV matbuot xizmati
Izoh (0)