FIFA prezidenti Janni Infantino AQSHning saylangan prezidenti Donald Tramp bilan uchrashdi.
Uchrashuv Trampning Floridadagi shaxsiy qarorgohida bo‘lib o‘tgan.
“AQSH prezidenti Donald Trampning bo‘lajak inauguratsiyasi oldidan uchrashish sharaf edi. Biz 2025-yilning yozida bo‘lib o‘tadigan futbol bo‘yicha klublar o‘rtasidagi Jahon chempionati va 2026–yilgi futbol bo‘yicha Jahon chempionatini muhokama qildik”, – deb yozdi Infantino.
FIFA prezidenti Trampga ko‘rsatilgan eʼtibor va yaqin oylarda FIFAni qo‘llab-quvvatlashga rozilik bildirgani uchun minnatdorlik izhor etdi.
“Amerika yer sharidagi hamma mehmonlarni kutib oladi, futbol esa butun dunyoni birlashtiradi!”, – deya qo‘shimcha qildi Infantino.
Maʼlumot uchun, 2026-yilgi futbol bo‘yicha Jahon chempionati 11-iyundan 19-iyuliga qadar AQSH, Meksika va Kanadada bo‘lib o‘tadi.
Izoh (0)