Andijon viloyatining Xo‘jaobod tumanidagi Qirg‘iziston—O‘zbekiston chegarasidagi “Do‘stlik” chegara bojxona postida transport harakati vaqtincha to‘xtatiladi. Bu haqda viloyat bojxona boshqarmasi ma’lum qildi.
Ta’kidlanishicha, 2024-yilning 6-noyabr soat 00:00 dan 23:59 ga qadar Qirg‘izistonning “Dostuk” chegara bojxona postida profilaktik ta’mirlash ishlari olib borilayotgani sabab Andijon viloyati bojxona boshqarmasi tasarrufidagi “Do‘stlik” chegara bojxona postida 1 kunlik muddatga “Yukli va yengil avtotransport” vositalari harakati uchun vaqtinchalik to‘xtatiladi.
Yengil avtotransport vositalari Xonobod shahridagi “Xonobod” chegara bojxona posti orqali harakatlanishlari tavsiya etiladi, deyiladi xabarda.
Izoh (0)