“O‘zbekiston Respublikasi davlat mustaqilligining o‘ttiz uch yilligi munosabati bilan harbiy xizmatchilar va huquqni muhofaza qilish organlari xodimlaridan bir guruhini mukofotlash to‘g‘risida”gi prezident farmoni e’lon qilindi.
Mamlakat Qurolli kuchlarining jangovar tayyorgarligini oshirishdagi alohida xizmatlari, milliy manfaatlarni himoya qilish, qonun ustuvorligi va tinchlikni taʼminlash, barqarorlik va jamoat tartibini mustahkamlash borasidagi sharafli burchini bajarish chog‘ida mardlik, jasorat va fidoyilik ko‘rsatgani, sohada yuqori malakali kadrlarni tayyorlash, yosh avlodni ona Vatanga muhabbat va sadoqat ruhida tarbiyalash yo‘lidagi ko‘p yillik samarali mehnati hamda ijtimoiy hayotdagi faol ishtiroki uchun quyidagilar faxriy unvon, orden va medallar bilan mukofotlandi:
“O‘zbekiston Respublikasida xizmat ko‘rsatgan quruvchi” faxriy unvoni bilan
- Mansurov Baxtiyar Muminovich — O‘zbekiston Respublikasi Davlat xavfsizlik xizmati Chegara qo‘shinlari harbiy xizmatchisi
I darajali “Shon-sharaf” ordeni bilan
- Bobojonov Po‘lat Razzaqovich — O‘zbekiston Respublikasi ichki ishlar vaziri
“Mardlik” ordeni bilan
- Alikariyev Murodilla Saydullayevich — Toshkent shahar IIBB boshlig‘ining jamoat tartibini saqlash bo‘yicha o‘rinbosari
- Xushbaqov Mirsharof Nuraliyevich — Davlat xavfsizlik xizmati Chegara qo‘shinlari harbiy xizmatchisi
- Sharipov Ismoil Maxamadzkirovich — Favqulodda vaziyatlar vazirligi Respublika qutqaruv markazi boshlig‘i
“Do‘stlik” ordeni bilan
- Islamov Baxtiyor Jahongirovich — Oliy sud raisi
- Lim Mixail Aleksandrovich — Qoraqalpog‘iston Ichki ishlar vazirligi harbiy safarbarlik bo‘limi muhim topshiriqlar bo‘yicha inspektori
- Mavlonov Akmalxuja Yusupovich — O‘zbekiston Iqtisodiyot va moliya vazirligi huzuridagi Bojxona qo‘mitasi raisi
“Jasorat” medali bilan
- Alimbayev Marat Tolipjonovich — Favqulodda vaziyatlar vazirligi Respublika qutqaruv markazi otryad katta yo‘riqchi-qutqaruvchisi
- Alimov Sherzod Raxmatullayevich — Favqulodda vaziyatlar vazirligi Respublika qutqaruv markazi otryad katta usta-qutqaruvchisi
- Atanayev Yodgorbek Omatjonovich — Mudofaa vazirligi bosh serjanti yordamchisi
- Zikirov Jamoliddin Toxirjonovich — Toshkent viloyati IIBB otryad komandirining o‘rinbosari
- Mirzamatov Husniddin Tulanboyevich — Mudofaa vazirligi markaz katta yo‘riqchisi
- Mo‘minov Xurshid Toshmurotovich — Bosh prokuratura huzuridagi Iqtisodiy jinoyatlarga qarshi kurashish departamentining Surxondaryo viloyati boshqarmasi boshlig‘i o‘rinbosari
- Nurboyev Iskandar Muxidinovich — Milliy gvardiya harbiy qism guruh mutaxassisi
- Primov Elbek Uktamovich (marhum) — Qashqadaryo viloyati Ko‘kdala tumani ichki ishlar bo‘limi yo‘l-patrul xizmati katta inspektori
- Turdibekova Sitora Shavkat qizi — Mudofaa vazirligi Oliy sport natijalarini rivojlantirish markazi sport bo‘limi yo‘riqchi-sportchisi (Parij Olimpiadasi ishtirokchisi)
“Sodiq xizmatlari uchun” medali bilan
- Abdigapirov Abdimutal Abdikarimovich — Mudofaa vazirligi Axborot-kommunikatsiya texnologiyalari va aloqa harbiy instituti kafedra professori
- Abdullayev Iskandar Abdulboqiyevich — Andijon viloyati Bojxona boshqarmasi bo‘lim boshlig‘i
- Abdurahmonov Yaxyo Abdug‘aniyevich — Yunusobod tumani prokurori
- Aytniyazov Paraxat - Qoraqalpog‘iston Respublikasi Konstitutsiyaviy nazorat qo‘mitasi raisi
“Sog‘lom turmush” medali bilan
- Yusupov Umarbek Xudayberganovich - O‘zbekiston Respublikasi Milliy gvardiyasi Tibbiyot boshqarmasi boshlig‘i
“Shuhrat” medali bilan
- Agzamxodjayev Iskandar Yalkinovich - Iqtisodiyot va moliya vazirligi huzuridagi Bojxona qo‘mitasi “Toshkent-AERO” ixtisoslashtirilgan bojxona kompleksi boshlig‘ining birinchi o‘rinbosari
- Davidova Regina Levonovna - Adliya vazirligi boshqarma boshlig‘i
- Karimov G‘olib Toliboyevich - Jizzax viloyati Sharof Rashidov tumani ichki ishlar boshqarmasi profilaktika katta inspektori
Izoh (0)