Toshkent xalqaro aeroporti orqali xorijiy mamlakatga uchib ketayotgan fuqaroning qo‘l sumkasi tekshirilganda, uning ichida qadimiy tangalar va quyma oltin bo‘laklari borligi aniqlandi. Bu haqda Davlat bojxona qo‘mitasi xabar berdi.
Umumiy og‘irligi 187 gramm bo‘lgan 6 dona oltin quymasi hamda 7 dona xitoy iyerogliflari tushirilgan tangalar uddaburonlik bilan kosmetika kremi ichiga yashirilgan.
Ushbu fuqaro shaxsiy ko‘rikdan o‘tkazilganida, uning yonida og‘irligi 20 gramm bo‘lgan quyma tilla uzuk ham borligi aniqlangan.
Ashyoviy dalil sifatida olingan ushbu buyumlarning umumiy qiymati 223 mln so‘mni tashkil qiladi.
Hozirda mazkur holat yuzasidan bojxona organlari tomonidan jinoyat ishi qo‘zg‘atilgan.
Izoh (0)