Англия Премьер Лигасининг 34-туридан ўрин олган ўйинда “Ливерпуль” “Тоттенҳэм”ни 5:1 ҳисобида йирик мағлубиятга учратди ва мазкур натижа эвазига муддатидан аввал чемпионликни нақд қилди.
Ўтган йилнинг ёзида “Ливерпуль” бош мураббийлигига тайинланган Арне Слот илк мавсумдаёқ олтин медалларни ўзиники қилишни уддалади. Мерсисайдликларнинг олдинги устози Юрген Клопп жамоани тўққиз йил давомида бошқарган ҳамда фақат бир марта — 2019/20 йилги мавсумда Англия чемпиони бўлганди.
Жорий мавсумда “Ливерпуль” 34 учрашув ўтказиб, 82 очко тўплашни уддалади. Иккинчи ўринда бораётган “Арсенал” худди шунча ўйин ўтказиб, 67 очкога эга чиққан.
Изоҳ (0)