Саудия Арабистонининг “Ал-Ҳилол” клуби “Наполи” ҳужумчиси Виктор Осимҳенни трансфер қилиш бўйича музокара бошлади. Бу ҳақда журналист Николо Скира хабар бермоқда.
Ҳозирча эҳтимолий трансфер тафсилотлари ошкор қилинмаган. Аммо Риёд клуби футболчини қўлга киритиш учун жиддий ҳаракат қилаётгани айтилмоқда. Нигериялик футболчи ҳозирда Туркиянинг “Галатасарой” клубида асосида ўйнамоқда. Лекин у ҳуқуқий жиҳатдан “Наполи”га тегишли ҳисобланади.
Осимҳеннинг Италия жамоаси билан шартномаси 2026 йилнинг 30 июнга қадар амал қилади. У 2020 йилда Франциянинг “Лилль” клубидан Неапол жамоаси сафига ўтган эди. Таъкидлаш керакки, футболчининг “Наполи” билан шартномасида 75 миллион евролик товон пули мавжуд.
Виктор жорий мавсум “Галатасарой” таркибида барча мусобақалар доирасидаги 36 та ўйинда майдонга тушиб, ўз ҳисобига 31 та гол ҳамда 7 та голли узатма ёздириб қўйган.
Изоҳ (0)